Daxuyaniya çapemeniyê ya Hefteya Rûmetê bi hinceta ‘Teror û Hesasiyet’ê hat astengkirin

Walîtiya Stenbolê destnîşan kir ku dawiya 14.Hefteya Rûmeta LGBTI+ya Stenbolê de wê destûr nede daxuyaniya ji çapemeniyê re were dayîn.

Walîtiyê beriya niha 7. Meşa Rûmeta Transan (19ê Hezîranê) û 14. Meşa Hefteya Rûmeta LGBTI+ya Stenbolê (26ê Hezîranê) qedexe kiribû. Li ser wê biryara walîtiyê Komîteya Hefteya Rûmeta LGBTI+ Stenbolê daxwaz ji walîtiyê kiribû ku di cihê meşê de li Meydana Tunelê civîna çapemeniyê li dar bixin.

Walîtiyê ji bo wê serlêdanê bersiv da û got:

‘Tê zanîn ku li welatê me û bi giştiya herêmê êrişên terorî pêk tên û di nav civakê de jî hesasiyeteke mezin heye. Ji ber vê dibe ku çalakî û bûyerê provakatîf pêk were. Pêkhatina wê yekê ji bo rewşa ewle ya kesên beşdarî çalakiyê dibin jî xera dike û dê bibe sedema xerabkirina hizûr û pergela civakî. Ji bo vê sedemê di çarçoveya qanûna 5442. de serlêdana kirî hatiye redkirin.’

Komîteya Hefteya Rûmetê li dijî biryara qedexekirina meşê ya walîtiyê serîl li Dadgeha Îdareyê dabû ku biryar were rakirin. Komîte niha jî ji bo rakirina qedexeya bo daxuyaniya çapemeniyê dê dîsa serî li dadgehê bide.

Çi bûbû?

Meşa Hefteya Rûmeta LGBTI+ya Stenbolê 13 sal in tê lidarxistin. Polêsan cara yekem di sala 2015an de hewl dan ku meşê asteng bikin.

Piştî Komkujiya Orlandoyê ku 49 kesên hevzayend hatin kuştin, komên wekê Musluman Anadolu Gençligi û Alperen Ocakları li dijî meşên ku dê îsal pêk bihata re peyamên tehdîtê şandibûn û banga êrişê kiribû.  Rêxistinên LGBTIyî jî derbarê wê yekê de gilîname dabûn dozgeriyê.

Walîtiya Stenbolê di daxuyaniya xwe ya 18ê Hezîranê de destnîşan kiribû ku 7. Meşa Rûmeta Transan û 14.Hefteya Rûmeta LGBTI+ya Stenbolê hatine qedexekirin.

Komîteya Hefteya Rûmeta Transan gotin ku mafê xwepêşandan û lidarxistina meşê di makeqanûnê de jî cih girtiye û wê biryara qedexeyê qebûl nekirin. Di 19ê Hezîranê de aktîvîstên ku ji bo lidarxistina meşê hatin cem hev rastî êrişa polêsan hatin û 11 kesên ji wan jî hatin binçavkirin.

(ÇT/YO)

ji Bianet

Li Taksîmê beriya ‘Meşa Rûmetê' tedbîrên ewlekariyê hatin standin

Polîsan li Qada Taksîmê û li ser Kolana Îstîklalê tedbîrên ewlekariyê yên berfireh standin.

Stenbol — Li hemberî biryara qedexekirina walîtiya Stenbolê rêxistinên LGBTÎ biryar girtibûn ku ‘Meşa Rûmetê' lidar bixin. Li ser vê biryarê polîsan tedbîrên xwe berfirehtir kir. Di vê çarçoveyê de li Qada Taksîmê li derdora Abîdeya Komarê bariyer hatin danîn.
Dîsa li Qata Taksîmê gelek polîs û TOMA hatin bicîkirin.

ji Sputnik

Polîsên Tirkiyeyê nehişt LGBTI xwepêşandana xwe pêk bîne

Polîsên Tirkiyeyê, îro rê li ber xwepêşandana LGBTIyê kir ku li Taksîma Stenbolê pêk hatibû û ew dever ji rojnamevanan vala kir.

Stenbol — Hat ragihandin ku endamên LGBTIyê li kolana Imam Adnan a Beyogluya Stenbolê kom bûn, LGBTIyan li pîpîkê xist û xwest ku heta meydana Taksîmê bimeşin.
Ji aliyekî din ve, ji ber ku walîtiya Stenbolê destûr nedabû vê xwepêşandanê, polîsan bangî xwepêşanderan kir ku ji hev veqetin û belav bibin.

Polisi arkasına alıp bayrak yakmak kolay

Çocuk tecavüzcülerine sesin çıktı mı sen ondan haber ver

Taksim'de LGBTİ pic.twitter.com/86OqMALFRB

— T.C. Gölge (@agolge) June 19, 2016

​Herwiha, komê li gel hişyariyên polîsan xwest ku meşa xwe berdewam bike û polîsan jî bi gaza bîberê êrîşî wan kir, di encamê de endamên LGBTIyê reveyan û di nav kolanan de belav bûn.

PRTESTORKERÊ XWEPÊŞANDANÊ HATIN GIRTIN
Ji aliyekî din ve, du komên din xwest ku xwepêşandana LGBTIyan protesto bike û li du deverên cuda yên heman deverê kom bûn.
Polîsî ew herdû kom jÎ hişyar kirin ta ku belav bibin lê ew kesên ku belav nebûn, hatin desteserkirin û ew birin navenda ewlehiya Stenbolê.

Taksim'de cihatçılar LGBTİ'lere saldırmak istedi: Burası Osmanlı… — 19.06.2016: https://t.co/g7AtMYFjhW pic.twitter.com/zt3fVOhSBO

— Siyasi Haber (@SiyasiHaberOrg) June 19, 2016

​Li gorî agahiyên ketine destê me, nêzîkî 30 kesan ji LGBTIyan û ji kesên protestorker li navenda ewlehiyê îfadeya wan tê wergirtin.

ji Sputnik

Ji 103 rêxistinên jinan û LGBTÎ deklarasyona 'ji şer re na'

 1.09.2015

STENBOL

Tevî Hewldana Jinan ji bo Aştiyê, Meclîsa Azadiyê ya Jinan, Koma Jinan a ji bo Edalet, Wekhevî û Azadiyê, Komeleya Destekkirina Namzetên Jin, Hewldana Aştiyê ya LGBTÎ û Kaos GL 103 rêxistin, li Taksîm Hîll Otelê, bi wesîleya 1'ê Îlonê Roja Aştiyê ya Cîhanê ji bo dawîanîna li şer deklarasyoneke hevpar weşandin.

'ÊDÎ BISEKININ!'
Deklerasyona hevpar ji aliyê Berdevka Mor Çati Çîgdem Hacisoftaoglû ve hat xwendin.
Hacisoftaoglû got, "Weke jinên li vî welatî em aştiyê dixwazin" û anî ziman ku wan bi dengê xwe nîşan dane meclîseke, çawa, welatekî çawa dixwazin, lê belê vîna wan tine hatiye hesibandin. Hacisoftaoglû diyar kir ku AKP'ê pêvajoya çareseriyê sekinandine, li zimanê şer vegeriya ye û got, "Yên ku hûn dibêjin wê xwîna wan li erdê nemînin, zarokên me ne. Yên ku hûn dibêjin hûnê karibin feda bikin, zarokên me ne, xizmên me ne. Yên ku hûn wan dikujin, zarokên me ne."
Hacisoftaoglû got, "Em jin ji vir îlan dikin, ku em ê rewşa şer û pevçûnan qebûl nekin" û axaftina xwe bi vî rengî dewam kir: "Em ji hemû aliyên bi çek-bê çek re dibêjin 'êdî bisekinin'. Nîqaşa bi heq-ne heq deynin aliyekî, bes bêjin 'wî destpê kir, vî destpê kir'. Hewl bidin nekujin, hewl bidin bidin jiyîn. Weke jin em ne li aliyê mirinê ne, em li aliyê jiyanê ne. Em dixwazin çek bêdeng bibin û diyalog û muzakere ji nû ve destpê bikin. Bila rêyên çareseriya demokratîk bikevin meriyetê, ku hêviyên me yên ji bo aştiyê bi cih werin. Bila ji bo aştiyê gavên rasteqîn werin avêtin, ku zarokên vî welatî pêşerojekê bibînin.
Em ê bi ti awayî rê nedin şerxwaziyê. Ji holê rakirina cihêkariyê, pêkhatina edaletê û avabûna jiyaneke azad û wekhev ji bo me hemûyan ancax bi rewşeke aştiyane pêkane. Emm watya tinebûnê, tinehesibandinê bi jiyana xwe, bi têkoşîna xwe baş dizanin. Em ê di aştiyê de israr bikin."
Piştî daxuyaniyê, rêxistinên jinan bersiv dan pirsên li ser pêvajoyê. Nûnerên rêxistinên jinan gotin, "Li dijî şer em ê bibin dengê aştiyê."

ji ANF

'Ez rastî tundiya gardiyanên mêr û leşkeran têm'

4.07.2015

Dilan Karamanoglu / JINHA

STENBOL - Aktîvîsta LGBTÎ Kivilcim Arat diyar kir ku dema ew li Girtîgeha Jinan ya Bakirkoyê diçe hevdîtinê weke jinek trans muamele nabîne û li dêleva gardiyanên jin, gardiyanên mêr û leşker lêgerînê pêk tîne û rastî îstismara zayendî tê. Kivilcim wiha got: "Ev 4 mehin di her rojên înê de ez rastî tacîza leşker û gardiyanan têm."

Endama Desteya Rêveberiya Komeleya Şêwirmendiya LGBTÎ ya Stenbolê û Sekretera wê ya Giştî Kivilcim Arat weke transek jin pirsgirêkên ku li girtîgehê dijî vegot. Kivilcim da zanîn ku ev nêzî 4 mehe li Girtîgeha Jinan ya Bakirkoyê diçe hevdîtinê û wiha domand: "Cara destpêkê dema ez çum bi hinceta ku di der barê min de lêgerîn heye min negirtin girtîgehê û binçav kirin. Di hevdîtina piştî wê de, ji bo ji hevalên min ên girtî re pirsgirêkan dernexînin min dengê xwe nekir."

'Ez her hefte rastî tacîzê têm'

Kivilcim destnîşankir ku berî niha mehekê dema çuye hevdîtinê, leşkeran lêgerîna wê kiriye û wiha got: "Di lêgerînê de em pirsgirêkan dijîn, leşker lêgerîna me dikin. Di rewşa asayî de gardiyanên jin lêgerîna jinan dikin, lê mirovên xwediyê nasnama şîn be leşker lêgerîna wan dike. Ez ji ber vê her hefte rastî tacîza leşkeran têm û her hefte pirsgirêkan dijîm. Ez her hefte ji leşkeran re didim diyarkirin bi rêkupêk lêgerînê bikin, lê tû encam dernakeve." Kivilcim anî ziman ku dema ew hatiye girtin gardiyanên mêr xwestine lêgerîna wê bikin, wê jî xwestiye ku gardiyanên jin lêgerê bike lê ew daxwaza wê nehatiye pejirandin. Kivilcim bi lêv kir ku paşê 4-5 gardiyanên mêr hatine ser wê û lêgerînê kirine û wiha dom kir: "Ez ji ber vê him ji hevdîtinê dereng mam û him jî rastî lêgerînek bê rûmet hatim."

'Tû hêviyên min ji darazên Tirkan nîne'

 Kivilcim destnîşan kir ku di hefteya berê de jî heman pirsgirêk jiyandiye û bêmafiya jiyankirî biriye darazê û wiha pê de çu: "Wê rojê di derî de me nîqaş kir, pirsgirêk çareser kirin, lê ez zanim ku di hefteya pêşiya me de ez ê carek din heman pirsgirêkan bijîm. Ez dixwazim vê rewşê bibim darazê lê ji daraza Tirkan jî tû hêviyên min nîne. Ji xwe dizanim ji bo kujerên jinên trans ên bênasname jî ceza nayê dayîn û ji bo bêrumetî ev lêgerê li min dikin, lê divê bê doz bê dîtin. Em weke xizmên jinên şoreşgerên girtî van pirsgirêkan dijîn, niha di hindir de çî tînin serê jinên şoregerên girtî kes nizane. Ji bo ev li ber çavan were girtin ez ê her rê bixebitînim û çî ji destê min bê ez ê bikim.

Kivilcim li hember neheqiyên di girtîgehan de li ser jinên trans tên kirin bang li rêxistinên jinan kir û wiha got: "Em ê li ber girtîgehê daxuyanî bidin çapemeniyê. Li hember van bêrumetiyan lêgerîna ser jinên trans jî di heman demê de divê bibin dengê jinên girtîgehê jî. Heger di derî de ez rastî van lêgerên bêrumet têm û ewqas neheqiyan dijîm, jinên şoreşgerên li hûndir de ji bo wan teslîm bigirin gelek neheqî û bêhiquqiyan dixin meriyetê."

Banga li hember lêgerê deng bilindkirinê

Kivilcim balkişand ser di Girtîgeha Jinan ya Bakirkoyê de sirgunên tên jiyîn û wiha dom kir: "Banga min ji bo rêxistina LGBTÎ, jinên kedkar û tevgera jinên Kurd heye. Divê Girtîgeha jinên şoreşger ya Bakirkoyê vala bikin, lewre gelek tûndî ser jinên girtî dikin. Ji ber wê jî him di alî tundiya ser jinên girtî tê meşandin û him jî di alî lêgerên bêrumet ya tê kirin dengê xwe bilind bikin."

ji JINHA

Ala Tirkiyê li Berlînê hat qetandin

Duh 29 Hizêranê Di kombûnek hevregezan de li Istembolê li welatê Tirkiyê Polîs bi hênceta ku meha Remezanê de çênebe ew kombibin û xwepêşandanê bikin kombûna wan ji hevbelav kiribûn.

li Berlîn bi beşdariya partiyên weke Parta kesik û parta çep ên Elman û parta HDPe a gelên Tirkiyê bi sedan hevregez bo şermizarkirina welatê Tirkiyê  kombûn û ala wî welatî hat dirandin.


ji BasNews

Daxûyaniya TODAPê

28.06.2015

JI ÇAPEMANÎ Û RAYA GIŞTÎ RE, 

Dema em bala xwe didin dîroka psîkiyatrî û derûnnasiya modern ku sedsala 19. de pêşketiye, em dibînin ku kesên LGBTÎ ( lezbiyen, gay, bîseksuel, trans, înterseks ) wekî nexweşan hatine nirxandin. Me dît ku tevî kirinên zayendî yên ku pey ve zêdebûn naye an derveyî sînorên normatif disekine, herwiha rewşa kesên LGBTÎ jî wekî pirsgirêk/nexweşiyê hatiye binavkirin û “dermankirina wan” hatiye armançkirin. Lê van  40-50 salên talî de tevî guherîna demê, him bi rêya xebatên akademîk him bi têkoşîna kesên LGBTÎ, psîkiyatrî û derûnnasiya di bin siya serdest de, dev ji nêrîna xwe nexweşiyê ya li hember hevzayend, bîseksuel û transan berda. Berevajî van mixabin em nikarin bêjin ku li Tirkiye’yê û li welat û cihên din de, derûnnasî û psîkiyatrî xwe ji homofobî û transfobîyê tev de azad kiriye. Em dizanin ku hempîşeyên me yên ku rêgeza bingehîn ya derûnnasiyê “bêşert qebûlkirin” ê  û etîka pîşê binpê dikin, xebatên xwe pîşeyî û teorik bi îdeolojiyên xwe yên heteroseksîst ava dikin, li hember hevzayend, bîseksuel û transan qaşo dermankirinan pêş dixin, metodên wan di pirtûkên xwe de dinivîsin û pratika wan dikin hene. Em ji wan hezar carî fedî dikin! Em bi tu awayî tu cûrên perbêbûnên zayendî û nasnameyên zayendî wekî nexweşiyan qebûl nakin!
Em wekî derûnnas û psîkiyatrîstan;

Li hember ji bo kesên hevzayend, bîseksuel û transan qaşo metodên dermankirinê, pirtûkên ku bi homofobî û transfobîyê hatine nivîsandin,  xebatkarên nexweşxaneyan ku dema  trans ji bo pirsgirêkên xwe yên derûnî an tıbbî hewce bimînin di nexweşxaneyan da razin tenê gorî nasnameyên wan servîsan da bi cih dikin, pratîkên homofobîk û transfobîk yên di sîstema tendûristiyê de cih digrin, di perwerdeyên beşên derûnnasî û psikiyatriye de hewandina nêrîna heteroseksîst disekinin.

Em wekî şêwirmendên derûnî û mamosteyên rêberiyê yên ku di dibistanan û qadên tendûristiya giyanî de dixebitin;

Li hember  nêrîna transfobî û homofobiya di dibistan û saziyên perwerdê de, di klînîkan de ji bo hevzayend, bîseksuel û transa pêşdixînin disekinin!
Em wekî pisporên xizmeta civakî yên di qadên tendûristiya giyanî de dixebitin;
Dizanin ku wargehên zarokên bêxwedî de kesên LGBTÎ ji cihên xwe tên avêtin, li gelek zordariyan dûçar tên. Em li hember bêheqiya ser kesên hevzayend, bîseksuel û transan disekinin!

Em wekî xebatkarên tendûristiya giyanî tev de,  hemû cûrên qaşo dermankirina kesên hevzayend, bîseksuel û transan, îdeolojiya heteroseksîst, û neheqiya li ser wan red dikin! Û em dixwazin qadên tendûristiya giyanî carek din ji bo sekna hemû kesên civakî were avakirin!

Kesên LGBTÎ wekî nexweşan qebûlkirin û/an li hember vê qebûlkirinê bêdengmayin şirîkiya qetilkirinên nefretê ye.  Em şirîkê van qetilkirinan na bin!

KOMELEYA DERÛNNASÊN PIŞTGIRIYA CIVAKÎ- TOPLUMSAL DAYANIŞMA İÇİN PSİKOLOGLAR DERNEĞİ  ( TODAP)
KOMELEYA DERÛNNASÊN TIRK – TÜRK PSİKOLOGLAR DERNEĞİ ( TPD )
ODEYA BIJIŞKÊN STENBOLÊ – İSTANBUL TABİP ODASI ( İTO)
YEKÎTIYA BIJIŞKÊN TIRK, BIJIŞKIYA JINAN Û BASKÊ TENDÛRISTIYA JINAN – TÜRK TABİPLER BİRLİĞİ, KADIN HEKİMLİK VE KADIN SAĞLIĞI KOLU
TENDURISTIYA GIYANÎ DE KOMELEYA MAFÊN MIROVAN -  RUH SAĞLIĞINDA İNSAN HAKLARI DERNEĞİ ( RUSİHAK)
DERÛNNASÊN CıVAKÎ- TOPLUMCU PSİKOLOGLAR
KOMELEYA XEBATÊN TRAVMAYÊ – TRAVMA ÇALIŞMALARI DERNEĞİ
KOMELEYA ŞÊWIRMENDÊN DERÛNNASÎ- PSİKOLOJİK DANIŞMANLAR DERNEĞİ ( PD-DER)
PLATFORMA XWENDEVANÊN DERÛNNASΠ YA ZAGONA  PÎŞEYÊ -PSİKOLOJİ ÖĞRENCİLERİ MESLEK YASASI PLATFORMU ( PÖMYAP )

 

ji TODAP

Volta Çark: Mirov li girtîgehê LGBT’î bin

STENBOL - ZEYNEP KÛRAY / ANF

23.06.2015

 

Rosîda Koyûncû bi pirtûka xwe ya ‘Volsta Şark:Mirov li girtîgehê LGBT’î bin’ zilma li ser kesên trans yên girtîgehê tîne rojevê. 17 kesên trans ên bi vegotinên xwe pirtûk amade kirine, hinek ji wan rastî taciz, tecawiz û gotinên nefretê hatine. Koyûncû ku ji ANF’ê re axivî diyar kir ku kesên trans ê ku mehkûmî hucreya yek kesî tên kirin, ji kîjan sûcê dibe bila bibe, bikevin girtîgehê rastî newekheviyek mezin tên.

Rosîda Koyûncû diyar kir ku ew ji Amedê ye û 26 salî ye, aktîvîstê LGBT’iye. Koyûncû li ser fikra ku çawa pirtûk nivîsiye jî wiha got: “Ez li pêşberî girtiyan her tim bi hestyar bûm. Ji bo dengê wan bidim bihistin min xebat meşandiye. Di vê çarçoveyê de ez di Radyoya Nor de ji bo girtiyan bernameyê çêdikim. Ez her Şemî beşdarî civînên ÎHD’ê yên ji bo balê bikişînin ser rewşa girtiyên nexweş, dibim. Di heman demê de beşdarî xebatên Komeleya Civaka Înfaza Cezayê dibim. Di gelek panel û projeyên di vê çarçoveyê de cih digirim.  Koma mahpusên hewcedariyê taybet, zêdetir têkildarî girtiyên astengdar, biyanî û LGBT’î de xebatan dimeşîne. Ez jî destekê didim van xebatan. Dema min ev xebat dimeşand min hîn kir jinek trans a bi navê Avşa ya li girtîgeha Tîpa F ya Bafrayê dimîne ev 40 roje di gireva birçîbûnê de ye. Min ev ji parvekirinên facebookê hîn kir. Di encama lêkolîn û şandina nameyan de min hîn kir ku çima Avşa ketiye grevê. Avşa li girtîgeha Gîresunê ji aliyê gardiyanekî ve rastî tecawizê tê, serî li dadgehê dide lê dadgeh dozê qebûl nake. Piştre serî li Cezaya Giran dide û gartiyan 8 sal û 9 mehan ceza digire û ji peywirê tê girtin. Avşa ji ber ewlehiyê dişînin girtîgehên din.  Li her girtîgehên din jî rastî zext û tacîzê tê. Ev li Bafrayê jî didome. Dozê vedike lê encamê nagire. Piştre hewl dide înxatar bike. Dawî bi du hevalên xwe re dikeve grevê. Piştî greva birçîbûnê ya 60 rojî şûnde bi Osman Ercan yên bûyer daye bihistin re surgunê girtîgehek din tê kirin.

'ZEXTA HERÎ MEZIN LI SER KESÊN TRANS TÊ KIRIN'
Rosîda Koyûncû bal kişand ser zextên li ser LGBT’iyan tê kirin û diyar kir ku ev pirtûk di encama hevdîtin û lêkolînên bi kesên LGBT’î re amade kiriye û got: “Ez salekê li ser xebitîm. Ez bi gelek jinan re rûniştim. Di pirtûkê de min piranî cih da vegotinên jinên trans. Li girtîgehan kesekî hevzayend dikare xwe veşêre lê yekî trans nekare vê bike. Sedem jî ev e. Ji ber vê jî herî zêde kesên trans li girtîgehan rastî zextan tên. Dema ji Wezareta Dadê tê pirsîn tê gotin ku li girtîgehan 95 girtiyên LGBT’î hene.  Lê di nav vê hejmarê de mêrên hevzayend an jî jinên lezbiyen nayên hesibandin. Mînak kesên emelyet nebûne, yanî zayenda xwe neguhertine, dişînin girtîgehên mêran. Di hucreyên yek kesî de tên hiştin. Min ev tecrîd di pirtûka xwe de vegotiye.  Ez bi kesekî re axivîm, li gorî vegotinên wî tevî ku koxuşa transan li Maltepeyê heye jî di hucreyê de tê girtin. Jinên trans di hucreyên yek kesî de tên girtin, dişînin girtîgehên mêran. Bi zorê porê wan tê jêkirin. Tazî lêgerîn dikin. Rastî tecawizê tên.  Rastî pêkanîn dij mirovahiyê tên.  Her tim rastî gotinên nefretê tên.”

'DI NAVA TECRÎDÊ DE TECRÎD'
Rosîda da xuyakirin ku ev bûyer piranî li girtîgehên wekê Tîpa F ya Bafra, Şakran, Tîpa T ya Şakranê, Salîhlî ya Manîsayê  tên jiyîn. Rosîda axaftina xwe wiha berdewam kir: “Li Şakranê jineke trans a bi navê Esra ku cezayê muebetê girtî heye. Şertên wê xerab in herhal, min nekarî nameyê jî bişînim. Di hevpeyvîneke rojnameya Meydan de ez bi rewşa wê hesiyam. Bi jinek trans ya bi navê Merve re nameyan ji hev re dişînin. Min ji Merve agahiyên têkildarî wê de girtin. Esra li girtîgehê bi çêkirina morîkan debara xwe dike. Rastî zextan tê. Her wiha jine trans a bi navê Funda heye. Niha li girtîgeha Tîpa E ya Eskîşehîrê dimîne. Ji ber zextan 13 girtîgeh guhertiye. Funda jî li girtîgeha Bafrayê gelek carî rastî şîdet û gotinên nefretê hatiye. Dîsa jineke trans a Azerî ya bi navê Sîbel heye.  Sîbel li derve ji aliyê muşteriyekî xwe ve rastî şîdetê tê û wê dide xebitandin. Pereyê wê jê digire. Sîbel wî dikuje. Parêzer wê naparêzin, Sîbel neçar dimîne xwe biparêze. Sîbelê 30 sal û 8 meh ceza girtiye. Niha li girtîgeha Maltepeyê tê girtin.”

Rosîda di dewama axaftina xwe de got ew jî di 21 saliya xwe de ji ber nasnameya xwe ya siyasî hatiye girtin û got: “Ez bi îdiaya endamtiya PKK’ê hatim girtin. Ez li girtîgeha Tîpa F ya hejmar 1 a Kandrayê mam. Min nasnameya xwe destpêkê ji îdareya girtîgehê re venegot. Lê min ji hevalên xwe yên hucreyê re vegot.  Wê demê ciwanekî hevzayend yê bi navê Roşîn Çîçek li Amedê ji aliyê malbata xwe ve hat kuştin. Vê bûyerê bandorek mezin li ser min kir. Min ji wezareta Dadê, komîsyona li hevkirina destûra bingehîn û girava Îmraliyê re name nivîsî. Kakila van nameyan di pirtûka min de heye. Di nameya ku min ji wezareta dadê re nivîsandiye, min got girtiyên trans û hevzayend rastî taciz, tecawizê tên. Di nameya ku min ji birêz Ocalan re nivîsî de jî min ji parêznameya Sosyolojiya Azadiyê mînak dan û min got çima gelê ku bedelê dide bi me bedelê dide. Îdareya girtîgehê ev name xwendin û zextan destpê kir. Ji ber nerehetiya çav ez çûm Nexweşxaneya Lêkolîn û Perwerdehiyê ya Kocaeliyê.  Doktorê nexweşxaneyê got divê ti biçî psîkiyatrîst. Min got çima, ji min re got ji ber nameyan. Tevî israrên min ez şandim. Armanca wan ev bû ku min bişînin hucreya yek kesî. Başe ku doktorê psîkiyatrîst baş derket. Rapor li gorî daxwaza min nivîsî.”

'LI ŞÛNA GIRTÎGEHÊ ÇÊBIKÎ ZÎHNIYETÊ BIGUHERE'
Rosîda bal kişand ser navê pirtûkê û got Volta wek tê zanîn gavê li girtîgehê ji serî heta seriyê din tê avêtinê ye û Çark jî hem çarka di pergalê de digere heye û hem jî çarka ku karkerên seksê bi şev derdikevin kolanan û davêjin heye, ji ber vê min her du kir yek.
Rosîsa wiha dawî li axaftina xwe anî: “LGBT’î ji kîjan dozê bikevin hundir bila bikevinê rastî cudahiyê tên. Jinek trans ji wezareta dadê re nameyê dişîne. Wezareta dadê dibêje wê di 2015’an de li Îzmîrê girtîgehek trans ava bikin. Li şûna ku girtîgehê çêdikin, bila zîhniyetê biguherin. Divê daxwazên LGBT’iyan bigirin.”

ji ANF

'Min HDP hilbijart'

 25.05.2015

Namzedê Parlementeriyê yê HDPyê yê ji Eskîşehîrê û kesayetê LGBTÎ (Lezbiyen, Gay, Bîseksuel, Transgender û Înterseks) Bariş Sulu wiha got: "Min HDP hilbijart, ji ber ku kesayetiyên LGBTÎ di serî de li wir hene. Komeke ku dû re başdar bûne nîne"

Sulu di daxuyaniya xwe ya ku da peyamnerê AAyê de diyar kir ku ew ji sala 1998an û vir ve ji bo mafên mirovan ên kesayetiyên LGBTÎ dixebite û di nava fealiyetên komeleyên di vî warî de cih digre.

Sulu got dema ku ji HDPyê teklîfa parlementeriyê hat wî bi malbat û yara xwe re xeberda û wiha domand: "Ez ji bo malbata xwe kesekî eşkere me. Ez hevzayendekî veşartî nînim. Min piştgiriya herî mezin ji malbat û yara xwe stend û dû re pêvajo pêş ket. Min bi hevalên xwe yên di nava HDPyê re xeberda û min fikr û raya wan hilda."

Suluyê ku ji Eskîşehîrê di rêza HDPyê ya 6emîn a namzediya parlementeriyê de ye qala van kir:

"Ev 17 sal in ez li ser kesayetiyên LGBTÎyî dixebitim. Ji ber hindê dema ku ez dibêjim, 'Ez li vir im' û şûnde bi awayekî otomatîk ez dest bi siyasetê dikim. Polîtîkayê ji bo min dema ku min got, ez hevzayend im, ez li vî welatî dijîm û ez naçim tu derî, ezê li vir têkoşînê bidim, dest pê kir."

Sulu bi bîr xist ku ew ji heyama Kongreya Demokratîk a Gelan ve di nava HDPyê de ye û wiha dewam kir: "Min HDP hilbijart, ji ber ku kesayetiyên LGBTÎ di serî de li wir hene. Komeke ku dû re beşdar bûne nîne."

Sulu destnîşan kir ku wî di vê pêvajoyê de ji CHPyê jî namzedekî LGBTÎyî hêvî dikir û wiha axivî: "Lêbelê min ji CHPyê tiştekî wiha nedît. Partiya Anadoluyê ji Îzmirê namzedekî LGBTÎyî nîşan da."

Sulu qala namzedbûna xwe ya ji HDPyê kir û got ku ew bi têlefoneke ji Navenda Giştî ya HDPyê ve namzediya xwe hîn bû û wiha domand: "Jixwe Demîrtaş qala mafên kesayetiyên LGBTÎ dike. Di nava HDPyê de wekî komîsyona jinan û ciwanan, komîsyona LGBTÎyê jî heye. Belavoka me ya hilbijartinê heye. Di wir de em dibêjin ku em keskesor in."

ji AA

Huda-Par: Em amade ne bi HDPê re rûnên

Serokê Giştî yê Partiya Doza Azad (Huda-Par) û namzedê wê partiyê yê Amedê Zekeriya Yapicioglu ragihand, eger pêwîst bike ew amade ne ji bo çareserkirina pirsgirêka kurd bi Partiya Demokratîk a Gelan (HDP) re jî rûnên. Yapicioglu her wiha got, DAIŞ fitne ye û divê were sekinandin.

(...)

Rûdaw: Gelo HDP dê bikaribe benda hilbijartinan derbas bike?

Li gorî rewşa niha derbaskirina benda hilbijartinan ji aliyê HDPê ve hêsan nîne. Li gorî hinek rapirsiyan, dengên HDPê di navbera %11-12 de ye, hinek jî dibêjin dê %13 bîne. HDP ji bo ku dengên xwe zêde bike di bin navê Tirkiyeyîbûnê de berê xwe daye çepên tirk, komên LGBT (lezbiyen, gay, bîseksule û transeksule). Ew jî nikarin HDPê rizgar bikin. Li gorî me pir zehmet e HDP bendê derbas bike. Eger bendê derbas neke dê derdora %9 dengan bîne, jixwe gellek kes jî vê dibêjin. Ji bo ku bendê derbas bikin divê tiştekî din jî bikin.

Rûdaw: Ew tişt çiye?

Di hilbijartinên serokomariyê de zimanekî nerm bikar anîbûn. Aloziyek pir biçûk jî dê zirarê bide wan. Di hilbijartinên şaredariyan de li wan deverên ku alozî derketibûn, dengê wan kêm bibûn û li cihên ku bi hêminî kar kiribûn dengên wan zêde bibûn. Eger vê carê jî aloziyên derxînin êdî HDP qet nikare bendê derbas bike.

Rûdaw: HDP kêmîneyên LGBT derdixe pêş. Hûn vê yekê çawa dinirxînin?

Em vê baş nabînin. Li gorî me ew vê yekê bi enqest û ji bo têkdana exlaqê civakê dikin. Pir behsa mafên jinan dikin ev jî ne li ser bingeha niyetek baş e, çimkî bi awayekî jinan bikar tînin…

Dibêjin namûs kabûsa civakê ye. Vê yekê ji bo hilweşandina malbatê dikin, helbet ev jî ji îdeolojiya wan tê. Kurd bi malbat, exlaq û baweriyên xwe ve girêdayî ne. Em di wê baweriyê de ne ku hilbijêrên kurd dê li ser sindoqên dengan van kiryaran ceza bikin. 

(...) 

ji Rizgarî

Daxûyaniya Hêvî LGBT

25.03.2015

JI ÇAPEMENÎ Û RAYAGIŞTÎRE;

Ahmet YILDIZ 15 Tirmehê 2008’an de Bavê wî Jiber ew hevzayend wî kuşt. 8 İlonê dewaya wî dest pêkir. Li tirkîyê ji ber nasnameya merbazbunê di bin navê namusêde kesê ku hatiye kuştin YILDIZ bixwe ye. Ji ber kujer bav derketîye derveyê welat nayê girtin. 6 sale ev doz bê encam berdewam dike. Dadgeh bê kujer e.Gerabdina wîya interpolê ji heye li mixabin nayê dîtin.
Lê em dizanin pergala heteroseksist û patriarkal her dem jin, hevzayend, kurneqiz,jinnekur,nêrumê û nasnameyê di nav civakê de bê parastinin bune xwarina dewletê. Dema pergala desthilatar bixwaze kî bigre digre û davê zindanê. Lê divê dozê desthilatarê ker,kor û lale.. Ev doz 6 sale bi encam berdewa dike.
Edaleta bê terazî. Kuştinê kêrixîn u kuştinê di bin navê namusêde em şermezar dikin. Doza 26 Adarê ya Ahmet yıldız li dadgeha wi em dişopinin. Hun ji seat 10:30 ‘de li dadgeha kartal 5. ya giran li benda we ye….
Tu tune bî em yek kêmin!

MECLÎSA LGBTI’YÊN KURDISTANÎ
1- Ahtamara Lgbti Wan
2- Hêvî  Lgbti Istanbul
3- Kars Homofobi ve Transfobi Karşıtı İnsiyatif
4- Keskesor Lgbti Amed
5- Malatya Gökkuşağı İnsiyatifi
6- Dersim Roştîya Asmê Lgbti Oluşumu
7- Hirçên Med
8- Zeugmadi Lgbti  Antep

ji Hêvî LGBTI

Ji redkarê wijdanî Mehmet Tarhan re cezayê hepsê

Ji bo redkarê wijdanî Mehmet Tarhan cezayê hepsê û pereyan hat birîn.

Dadgeha Ceza ya Leşkerî ya Sêwasê der barê redkarê wijdanî û aktîvîstê LGBTÎ’yî Mehmet Tarhan de ji ber doza di sala 2005’an de hatibû vekirin 15 meh cezayê hepsê û 9 hezar TL cezayê pereyan birî.

Tarhan têkildarî mijarê got ku ji doza Dadgeha Mafê Mirovan a Ewropayê (DMME) Tirkiye mehkûm kiriye, ji nû ve birîna cezayê, dide xuyakirin ku xala 90. di pratîkê de bêfonksiyan e.

ÇI ÇÊBIBÛ?

Tarhan, di sala 2001’ê de leşkerî red kiribû, di sala 2005’an de bi zorê biribûn leşkeriyê û der heqî wî de bi sûcdariya, “li hember emir derketiye” du dozên cuda hatibûn vekirin. Tarhan, dema li girtîgeha leşkerî rastî kiryar û pêkanînên xerab hatibû, her wiha ji ber nasnameya wî ya hevzayendî xwestibûn bi darê zorê wî muayene bikin.

DMME, biryar dabû ku mafên Tarhan hatine binpêkirin, bi 10 hezar Euro cezayê manewî Tirkiye mehkûm kiribû. Lê belê dadgeha leşkerî tevî vê jî ji heman dozê ceza li Tarhan birî.

ji BestaNûçe

Ciwan Amed bû platforma pêşniyaz û rexneyên ciwanan

24.02.2014

Çalakiya Ciwan Amed a ku ji aliyê BDP’ê ve hat organîzekirin û ligel ciwanan namzetên hevserokatiya Şaredariya Mezin a Amedê jî tê de cî girtin, li Amedê hat lidarxistin. Di çalakiyê de ji aliyê ciwanan hin proje hatin pêşkêşkirin û polîtîkayên heyî yên rêvebiriyên lokal ên BDP’ê hatin rexnekirin. Di çalakiya ku di 8’ê Sibatê de li Navenda Çandê ya Cegerxwîn hat li dar xistin de gelek endamên rêxistinên sivîl û kesên ji emrên cûda ku bi mijarê re eleqeder dibûn jî beşdar bûn.

Piştî axaftinên kurt ên namzetên hevserokatiya şaredariyê Gultan Kişanak û Firat Anli, çalakî bi pêşkêşkirina projeyên ku ji aliyê ciwanan hatibûn amadekirin, berdewam kir. Ciwan, projeyên xwe bi axaftin û nîşandayina slaytan pêşkêş kirin û li gorî dîtinên xwe ji bo pirsgirêkên bajêr li çareseriyan geriyan. Di vê beşê de proje hem li ser navê komeleyan û hem jî bi awayekî şexsî ji aliyê ciwanan hatin pêşkêşkirin. Di dema pêşkêşkirina projeyan de namzetên hevserokatiya şaredariyê, ji bo di dema hevserokatiya xwe ya şaredariyê ya piştî hilbijartinan de van projeyan binirxinîn, not nivîsandin.

Projeyên ciwanan wiha bûn: Çandiniya organîk û avakirina serayan, hilberîna şitilan, avakirina pirtûkxaneya bajêr û navenda etudê, avahiyên ji bo mayina xwendekaran, bikaranîna enerjiya royê, danîna daran û çêkirina riyên bisikletê.

Di beşa duyemîn a çalakiyê de beşdar pêşniyaz û rexneyên xwe yên ji bo polîtîkayên lokal ên BDP’ê anîn ziman. Hin ji van rexneyan wiha bûn:

Şaredarî û ziman: Pêwîstiya roleke aktîf a şaredariyê ya ji bo ferzkirina duzimanî li her saziyan hat destnîşankirin. Herwiha hat gotin ku divê şaredarî di afîş û reklaman de bêtir cî bide zimanê kurdî.

Şaredarî û rant: Ciwan anîn ziman ku di salên dawî de bi mezinbûna sektora avahîsaziyê ranta îmarê zêde bûye û divê pêşî li ber vê bê girtin. Li aliyekî din, hat pêşniyaz kirin ku kafeyên li parkên şaredariyê ji şexsan bêN girtin û li vir ji bo ciwanan îstîhdam bê avakirin.

Şaredarî û venêrîn: Ciwan diyar kirin ku di warê venêrînê (kontrol) de gelek kêmasiyên şaredariyê hene û daxwaz kirin ku her beşê şaredariyê di qada xwe de karê xwe yê venêrînê pêk bîne.

Têkiliyên bi gel re: Hat eşkerekirin ku şaredarî bi tenê di dema hilbijartinê de diçe serdana gel û pêşniyaz hat kirin ku bi awayekî perîyodîk van serdanan bên kirin.

Têkoşîna bi tilyakê re: Ciwan diyar kirin ku bikaranîna tilyakê her ku diçe di nava ciwanan de pêş dikeve û bi armanca pêşîgirtina vê, divê tevlî gel li dijî kesên hilberîna tilyakê dikin û kesên wê difiroşin têkoşîn bê kirin. Herwiha ciwan ji şaredariyê daxwaz kirin ku di bin banê şaredariyê de saziyeke têkoşîna li dijî tilyakê bê amadekirin.

Azadiya LGBT: Aktîvîstên LGBT anîn ziman ku di demên dawî de kuştinên jinê û îzolebûna endamên LGBT’ê ya ji derdora xwe zêde bûye. Aktîvîst ji şaredariyê daxwaz kirin ku buroyên biçûk ên şêwirmendiyê, xaniyên parastinê ya ji bo jinê û ji bo vê derdorê bê avakirin.

ji infoWelat

Rapora Tirkiyeyê ya Freedom Houseê

 19.07.2013

Freedom Houseê li ser rewşa demokrasiyê ya li Tirkiyeyê raporeke berfireh weşand. Di raporê de rewşa kurtedîroka îktidara AKP’ê û mafên siyasî û azadiya sivîl a li Tirkiyeyê yên wekî mafê îfadekirina azad, azadiya olî, azadiya akademîk, mafên kombûnê, sendîkayên kedê, serxwebûna darazê, rewşa girtîgehan, pirsgrêka kurd, rewşa homoseksuelan, mafên milkiyetê û mafên jinê cî girt.

Rapora navborî di çarçoveya Azadiya li Cîhanê sale carekê jib o hemû welatan tê amadekirin. Encama herî balkêş a rapora ji bo Tirkiyeyê ev e ku Freedom Houseê di warê mafên polîtîk û azadiyên sivîl de notên Tirkiyeyê pir kêm in. Statû û notên ku saziyê ji bo Tirkiyeyê diyar kirine wiha ne:


STATÛ: Qismî azad
DERENCEYA AZADIYÊ: 3.5
AZADIYÊN SIVÎL: 4
MAFÊN POLÎTÎK: 3
Bi kurtahî naveroka rapora navborî wiha ye:

Qirêjî û bertîlxwarî: ‘Tirkiye di Indeks of Transperency International a 2012’an de (Indeksa Şefafiya Navneteweyî) ji nava 176 dewletan, di derenceya 54’emîn de ye.’

Mafên îfadeya azad: ‘Mafên îfedeya azad ji aliyê destûra bingehîn tê misogerkirin. (…) Li gorî CPJ’ê (Komîteya Parastina Rojnamegeran), dema bi 8 kesên sala borî re tê miqayesekirin, di dawiya 2012’an de 49 rojnameger di girtîgehê de bûn. Piraniya van kurd bûn û di çarçoveya qanûna antî-terorîzmê ya di doza KCK’ê de tên tawanbarkirin. (…) Hema hema hemû saziyên medyayê di destê şîrketên holding ên dêwane ku têkiliyên wan bi partiyên siyasî heye de ne û vê yekê jî alîkariya xwe-sansûrê dike.’
‘Ji bo weşan û weşanên televîzyonê yên bi kurdî niha destûr tê dayîn lê ew dikarin bi awayekî demkî ji aliyê rêvebiriyê bên girtin.’

Azadiya olî: ‘(…) Destûra bingehîn azadiya olê diparêze lê layiktiya fermî ya dewletê bûye sebeba bisînorkirinên li hember piraniya misilman û yên din. Zilamên şopdarên olê, dikarin ji artêşê bên avêtin û bi awayekî fermî ji bo girtina serê xwe, di zanîngehên dewletê û saziyên hikumetê de, jin tên astengkirin. (…) Alevî ku komeke misilman a ne-sunî ne, ne xwedî statûyekê ne.’

Azadiya akademîk: ‘Azadiya akademîk ji aliyê xwe-sansurê û zextên hiqûqî û siyasî yên di derbarê mijarên  hesas ên wekî kurd, binavkirina qirkirina ermeniyan di Şerê Cîhanê yê I’emîn de wekî jenosîdê û mîrateya Ataturk ve hatiye bisînorkirin.’

Mafên Kombûnê: ‘Mafê kombûnê ji aliyê destûra bingehîn tê parastin. (…) Tirkiye xwedî civakeke sivîl a aktîf  e. Gelek bisînorkirinên ji bo xwepêşandanan hatine sistkirin (…) lê pevçûnên bi polêsan re hîn didomin.’

Sendîkayên kedê: ‘Qanûna ji bo parastina sendîkayan heye lê xebata sendîkayan di pratîkê de bisînor e. Hiqûqa ji bo naskirina grevên legal çewsîner e û cezayên ji bo beşdariya grevên ne qanûnî, giran in.’

Daraza serbixwe: ‘(…) hikumet dikare bi riya tayîn, destek û fînanskirinê li ser dadgeran tesîrê bike. (…) Sîstema dadgehan bi giştî, ji aliyê derengbûyîna qeydeyên dozê –hin darizandin pir  dirêj dajon û vê yekê barê madî ya parastinê giran dike- tê qelskirin.’

Rewşa girtîgehan: ‘Hikumet bi armanca astengkirina îşkenceyê qanûnan derxist û hîndekariyê da dest pê kirin lê nûçeyên di derbarê muameleya xerab hîn jî gelek zêde ne. Girtîgeh pir qelebalix in û xizmeta tibî bi problem e.’

Pirsgrêka kurd: ‘Pirsgirêka kurd hîn jî dijwariya kilît e ji bo demokrasiya Tirkiyeyê. Gelek bisînorkirinên kevn ên li ser zimanê kurdî hatin rakirin û di Hezîrana 2012’an de Wezareta Perwerdeyê mifredatekê ku tê de destûra perwerdeya kurdî jî dihat dayîn, qebûl kir. Tevlî vê jî, bikaranîna kurdî di qada xizmetên fermî de hîn jî qedexe ye. (…) Li gorî texmînekê, di sala 2012’an de di operasyonên li hember KCK’ê de 7,748 kes hatin girtin û ji van 3,895 kes ketin girtîgehê.’

Rewşa homoseksuelan: ‘Çalakiyên homoseksuelan ne qedexe ne lê kesên LGBT (lezbiyen, gay, biseksuel, transseksuel) bi awayekî berfireh rastî cûdakarî, tacîza polêsan û şîdeta rojane tên. Di Rezbera 2012’an de AKP pêşniyazeke ji bo parastina mafên LGBT’yan red kir.’

Mafên milkiyetê: ‘Ji bo mafên milkiyetê, ji bilî hin îstîsnayên balkêş, bi gelemperî li Tirkiyeyê rêz tê girtin. Bi deh hezaran kurd di salên 1990’î de ji malên xwe yên li anatoliya başûrêrojhilat hatin derxistin. Hin ji wan vegeriyan û di bin programa ku di 2004’an de hatibû damezrandin, tazmînatê vergirtin.’

Mafên jinan: ‘Destûra Bingehîn a Tirkiyeyê,  bi qanûnê, wekheviya tam dide jinê lê Forûma Aboriyê ya Cîhanê di Indeksa Mesafeya Zayendî ya Global a 2012’an de, di nava 135 welatan de ciyê 124’emîn daye Tirkiyeyê. Bi tenê ji sêyan yekê jinên di temenê xebatê de beşdarî hêza kedê dibin ku ev, rêjeya herî kêm a Ewropayê ye. (…) Raporeke 2012’an diyar kir ku ji % 42’yên jinên tirk rastî şîdeta fîzîkî yan seksuel tên. (..) tê  gazin kirin ku hikumet ji mafên jinan bêtir bi “yekitiya malbatê” re eleqeder dibe xuya dike.’

Ji infoWelat

Doza R.Ç yê ku ji ber hevzayend bû hat kutşin, pêk hat

 28.06.2013

Li Amedê kesê bi navê R.Ç yê ku bi hinceta hevzayendbû ji aliyê bav û apên xwe ve hat kuştin, doza wî taloqê 15’ê Tebaxê hat kirin.
R.Ç yê 17 salî ku li Amedê ji aliyê bav û du apên xwe ve bi hinceta hevzayend bû hat kuştin, 11’emîn danişîna doza wî li 3’emîn Dadgeha Cezaya Giran a Amedê hat dîtin. Ji bersûcên girtî Şeyhmus Ç, Mehmet Alî Ç û Metîn Ç û parêzerên wan tevli bûn. Wekîlê Komeleya Xebatên Perwerdehiya Eleqeyan Zayendî ya Nasnameya Zayendê ya Polîtîkayên Civakî, Firat Soyle, endamên LGBT ya Kesk Sor û LGBT ya Hebûn û hevalên R.Ç danişîn temaşe kirin. Di runiştina yekemîn ya danişînê de merciya îdiayê di celseya berê de mutalaya xwe ya der barê girtina bersucan de dubare kir. Piştî mutaalya dozger, ji  dayika R.Ç, Gulten R.Ç der barê mutaalayê de nêrîn hat pirsîn. Gulten Ç daxwaza berdana hemû bersûcan xwest. Parêzer Sînem Çîçek û Firat Soyle jî  daxwaz kirin ku divê kêmasiyên ewraq û îmzeyên dosyayê bê temamkirin û her wiha rewşa girtina bersûcan bidome. Parêzerên bersûcan der barê mutaalaya dozger de îdia kir ku di dosyayê de ji ber ku delîlên têr tune divê bên tahliyekirin.
Di dema danişînê de parêzera R.Ç Sînem Çîçek dema bi parêzeran de diaxivî rastî êrîşa bi gotin a dayika R.Ç, Gulten Ç hat.  Heyeta dadgehê biryara girtina bersûcan da û danişîn taloqî 15’ê tebaxê hat kirin.

ji ANF

Endamê AKP: Hevzayendî nexweşî ye!

23.05.2013

Di beşa “Maf û Azadiyên Sereke” ya makeqanûna nû de”, AKP’yî bi hincetên sosret li hemberî daxwaza BDP’ê ya ji bo têgîna “Nasnameya Zanyendî” ya di çarçoveya “Wekheviyê” de îtîraz dikin.

Komîsyona Nivîsandina Makeqanûnê, di bin serokatiya Parlementerê BDP’ê yê Stenbolê Sirri Sureyya Onder de kom bûn, lê ji ber lihevnekirina li ser 3’yemîn madeya “nasnameya zayendî” ya bi sernavê “Wekhev”, nehat derbaskirin.

BDP’ê xwest ku mafên hevzayendan di makeqanûnê de bên mîsogerkirin û bikevin bin ewlehiyê. Lê AKP’ê bi hinceta ne li gorî exlaqê giştî ye, li dijî parastina nifşê mirovan û red kir.

Endamek AKP’yî yên komîsyonê diyar kir ku ger zarokên wan nexweş bin, bila bijin “doktor”. Onderê BDP’yî got; “Ev ne nexweşî ye, hemû cîhan dizane.” CHP’ê jî di vê mijarê de piştgirî da pêşniyara BDP’ê.

ji ANF

Kurkçu: Di 2013’an de Kurd, Elewî û LGBT’iyan qezenc kir

ENQERE - ALİ BARIŞ KURT

28.01.2013

 

Hevserokê giştî yê HDP’ê Kurkçu diyar kir ku sala 2013’an ji bo hêzên demokrasî û kurdan bi hêvî bû û mînakên girîng jê tên derxistin Kurkçû: “Di 2013’an de ligel evqas tiştên neyînî hêviya qezeckirina azadî û demokrasiyê hat afirandin. Di 2013’an de LGBT û Elewiyan qezenc kir.  Di nava têkoşîna azadiya kurd de ya herî balkêş nokteya polîtîk bû.

Kurkçu ji ANF’ê re axivî û da zanîn ku encama herî girîn ya sala 2013’an eve ku  êrîşên ku AKP’ê piştî hilbijartina 2011’an da destpêkirin vala hat derxistin. Qezenca herî mezin eve û got: “Gelê kurd zincira ku li lingê wan hatibû xistin parçe kirin.  Bi hamleya Birêz Ocalan avabûneke nû hat avafirandin.  Di alî azadî, demokrasî û aştiyê de geşedanên girîng çêbûn.

BI HDP’Ê RE TÊKOŞÎNEK NÛ DESTPÊ KIR
Kurkçû diyar kir ku avakirina HDP’ê yek ji geşedanên herî girîng ya 2013’an bû û got: “Ev ne tenê avakirin partiyekê bû.  Vê hevkariya stratejîk ya di navberên rizgariya civakî û demokratîk a Tirkiyeyê û tevgera kurd de îfade dikir. Li aliyê din jî  di alî avakirina koalîsyona bindestan de gelek girîng bû.
Têkoşîna li girtîgehan hat meşandin jî  piştgiryeke mezin da têkoşîna demokrastiya 2013’an û bi vê gelek pêkanînên zextwar hatin paşvexistin, lê li hinek cihên din jî rewş xerabtir bû.

DEKLERASYONA NEWROZÊ, GEZÎ: HÊVÎ
Kurkçû wiha got: “Îsal bi destê AKP’ê bi taybet li ser jinan zext zêde bûn. Lê li dijî êrîşên AKP’ê bi taybet piştî Deklerasyona Newrozê pêvajoyek nû derket holê, potansiyela muxalefeta mezin ya ku berxwedana Geziyê afirand nokteyeke girîng bû; bû nîşaneya guherandina îstîkameya pêvajoya Tirkiyeyê.

DI HÊZA SENDÎKAL DE HÊZ HAT WENDA KIRIN
Kurkçû da zanîn ku di rêxistina sendîkal a klasîk de di alî dînamîkan de hêzeke nû nehatiye qezenckirin û ez wisa difikirim hêz hatiye wenda kirin. Di sendîkavaniya rêxistinkirî de rewşa krîzê didome, di vî alî de rêxistina sendîkvaniyê paşve diçe.

Kurkçû diyar kir ku têkoşîna kedê ji derveyê qada sendîkal ve jî tê dayîn û  got: “Di alî têkoşîna kedkarên ku di sendîkayan de xwe bi rêxistin nekirine de, sala 2013’an kêm be jî qezenc bidestxistine.

DEMOKRATÊN LÎBERAL QEZENC HEBA KIR
Kurkçû di berdewamiya axaftina xwe de wiha got: “Ji ber sekna parçekirî ya hêzên demokrasiyê, di vê qadê de demokratên radîkal cihên xwe parastin û kêm be jî pêşketin. Lê demokratên lîberal, di referanduma 2012’an de  û piştî vê ji ber ku girayê AKP’ê bûn kefareta wê dan. Piştî evqas razemeniya manewî biçûk hat xistin û  destpêkê ji AKP û piştre jî ji Cematê riya xwe dan alî.

Kurkçu da zanîn ku 2013’an de  LGBT’iyan  têkoşînek mezin dane û her çiqas serkeftinên sazîbûnê bidestnexistin bin jî tevgera LGBT ne tenê li Tirkiyê,  li Kurdistanê jî  rewabûna xwe daye xuyakirin. Kurkçu diyar kir ku LGBT bi HDP’ê re  di qada polîtîk de hatiye dîtin. Kurkçu bi lêv kir ku tevgera Elewiyan jî her diçe polîtîk dibe û derbasî radîkalîzasyonê dibe.

TEVGERA KURD NOKTEYA POLÎTÎK YA KU HERÎ ZÊDE BALKIŞAND BÛ
Kurkçû der barê qezencên Kurdistanê de jî wiha got: “Tevgera Azadiya Kurdistanê ne tenê li Tirkieyê li her çar paçeyên Kurdistanê qezencên mezin bidestxistin û li Rojava ligel zextên qada navnetewî  li dijî darbekaran bi serkeftinên xwe bû hêza ronahî ya polîtîkayê.  Hêza xwe hem di alî konfederalîzma demokratîk û hemjî di xweseriya demokratîk de bikaranîn û di 2013’an de di nokteya polîtîk de bal kişand.

ji ANF

Hemzayendên Tirkiyeyî û Dê û Bavên Transan Ji Bo Belgefîlma Xwe Li Benda Piştgiriya We Ne!

‘Di vê cîhana mezin de nikaribûn zarokê min bi cih bikin’

Melek Okan*

*Dayika Îrem a transeksuel a ku li Bursayê bi awayekî hovane hat kuştin. 

Em; wekî dê û bavên tirkiyeyî yên ku zarokên wan hemzayend, bîseksuel, travestî û transeksuel in, LÎSTAG’a ( Malbatên LGBTT’iyan Koma Stenbolê)  ku me bi hev re damezirandibû, em gihîştin hev û din û me dest bi kişandina belgefîlmê bi navê “Zaroka/ê Min” kir. Ji bo ku ev belgefîlm bê qedandin, pêdiviya me bi piştgiriya we hemûyan a sazûmanî, maddî û manewî heye.

Bi tikandina navnîşana www.listagfilm.com û bi gihîştina girêdana INDIEGOGO’yê hem hûn dikarin li fîlmê temaşe bikin,  hem jî hûn dikarin ji bo belgefîlma “Zaroka/ê Min” a ku rasteqînkirina xeyala me ye, di hêla maddî de tevkariyê bikin. Hûn dikarin navnîşana malpera webê di ser medyaya civakî de belav bikin û bibin pêşengê/a ku gelek mirov bi saya we agahdar bibin. Bi tevkariyên biçûk ên ku hûn bidin, em girîngiyê didinê ku di beşa malpera webê de wekî “piştevan” bê dîtin.
Ji Rêbendana sala 2008’an û bi vir ve bi civînên pergalkirî xwişk û bira,  xizm, endamên malbatan û bi taybetî jî em dê û bav ên ku endamên  LGBTT’ê (lezbiyen, gey, bîseksuel, travestî, transeksuel) yên ku tên cem hev, di her derfetê de roportajan didin medyayê û em hewl didin ku dengê xwe bidin bihîstin, em xwe bigihînin malbatên ku vê rewşê dijîn û piştgiriya xwe ya bi wan re didomînin.
Li welatê me yê ku homofobî û transfobî lê belavbûyî ye û pê ve girêdayî mekanîzmayên sansurê gelek çalak dixebite, ji bo ku dengê me ji hêla girseyên hîn mezinter ve bê bihîstin, me pêdivî bi belgefîlmekê dît.  Me xwest ku di vê erdnîgariya cîhanê de dengek hebe,  em û zarokên xwe çi dijîn, em vebêjin û em cîhaneke pêkan biafirînin. Mirov ji bo tiştên ku em dijîn fêm bikin,  tengasiyan dikişînin û ji nedîtî ve tên… Dema ku em wekî malbat biaxivin, roj bê û ew jî hîn bibin ku zarokên wan bixwe hemzayend, bîseksuel û trans in, dibe ku tiştên ku bijîn xeyal bikin, em fikirîn ku vê yekê herî baş ji me fêr bibin. Sala par di panela ku em tevlî bûbûn a Zanîngeha Bogazîçî de ji peywirdarên perwerdehiyê Can Candan ê ku li me guhdarî kiribû, wekî kesekî ku vê empatiyê qefaltibû, dema ku bi teklîfa çêkirina belgefîlma me hat, me fêm kir ku ji bo em dengê xwe bi hemû cîhanê bidin bihîstin, ev kesekî rast e, em gelek bi kelecan bûn û me dest bi kişandina belgefîlmê kir. Hûn jî dizanin ku derbasbûna me dê û bavên ku zarokên me bi awayekî mafdar dixwazin xwe bi nasnameya xwe derbibirin lê di vê civaka homofobîk û transfobîk te zordariyê dikişînin, derketina me ya ber kamerayan ne hesan bû.

Lê em LI VÊ DERÊ NE!

Em 5 dê û 2 bav ên ku ji nav LÎSTAG’ê hatine, bi navê xwe, bi rûyê xwe û ya herî girîng jî bi dilê xwe, pêşî li we dûre jî li hemû Tirkiye û cîhanê bag dikin! Belê, ji bo ku em bibêjin “Zaroka/ê Min hemzayendî ye, Zarokên me Transeksuel e” em çi jiyan û em çi dijîn? Em çawa derketin ber van kamerayan?  Me çawa dest bi vê rêwîtiyê kir û em hîn jî dixwazin çi bikin?  Em ê vê yekê hemû bi hev re,  dema ku belgefîlm bi dawî bû, bibînin.  Lê wekî ku em hemû jî dizanin, li vî welatî kişandina belgefîlmekî, hele kişandina belgefîlmekî ku li ser LGBTT’iyan be qet jî ne hêsan e. Di vê riya dijwar de li ser navê ku em piştgiriya xwe bidin nîşandan, pêdiviya me bi alîkariya we heye.
Ji kerema xwe re di ser navnîşana www.listagfilm.com re bibin piştevanên “Zaroka/ê Min”!
Haydê! Em hemû bi hev re ferqekê biafirînin…

LISTAG (Malbatên LGBTT’yî Koma Stenbolê)  
Zaroka/ê Min: www.listagfilm.com
LİSTAG: www.listag.wordpress.com

ji LISTAG

YE: Ji bo ku kirîzên nûh rû nedin, divê Tirkîye di destûra xwe de reforman bike!

Di Komîteya Binî ya Mafê Mirovan ya Parlamentoya Ewropa (YE) yê de, Doza girtina AKP yê û Qarneya mafê mirovan hat nîqaşkirin. Serokê Mêza Giştî ya Tirkîyeyê ya Geşkirinê ya Komîsyona YE`yê Jean-Chiristphe Filori got ku, ji ber doza girtina AKP yê bal ji ser reforman dûrket. Û dibêje, ”ji bo rû nedana kirîzên din, em şîretê li Tirkîyeyê dikin ku di destûra xwe de reforman pêk bîne”. Her wiha Filorî amaje pê dike ku, ”di vî dema guherînê de, dûrketina Tirkîyeyê ji reforman, dê bibe egerê kirîzên din. Û divê Tirkîye Qanûna Girtina Partîyan biguhere”.

Filorî dibêje, gûhertina xala 301 ya Destûra Cezayê û qebûl krina qanûna Weqfan jî, dîyadike, ku di salekî de, di warê mafê mirovan de reformên giring pêkhatine û dibêje:”Em nikarin bêjin ku di Tirkîyeyê de pêşveçûn tune ye. Li gor 10 salên bihorî îro li Tirkîyeyê gelek guherîn heye. Helbet ji bo guherîna bîr û çand jî gelek dem divê”.

Filori, em ji pêngavên Tirkîyeyê yên aborîyacivakî ya li ”Başûrêrojhilat” (Bakûrê Kurdistan) ya wek GAP`ê û biryara weşana bi kurdî di TRT yê de kêfxweşin û li hêvîya pêngavê nû ne.

Filori dîyar dike ku, Komisyona YE ji girtina Komela Lambdaistanbul Lezbîyen Gay, Biseksûel, Travestî, Transeksûel (LGBTT) ya bi biryara dadgehê jî bi gumane.

Daxwaz ji Tirkiyeyê kir ku ji bo pêşvebirina mafên mirovan, di Destûra Bingehîn de guhertinan çê bike.


ji Rizgarî