Lezbîyen û gay bi maç kirinê "êrîş" dikin


04.08.2012

 Çend roj berê xwediyê şîrketa fast foodê a bi navê Chick-fil-A Dan Cathy li dijî hevezayendan (homoseksuel) gotibû "Li gor min têgeha malbatê ya di Încîlê de rast e, zewaca homoseksuelan nayê qebûl kirin, ger wisa bidome wê Emerîkayê ji aliyê Xwedê ve bê ceza kirin".

Piştî wan gotinên Cathy muhafazakarên li DYA piştgiriya wî kiribûn û ji bo piştgiriyê jî kampanyaya çûyîna retorantên wî kiribûn. Ew çend rojin vê carê jî homoseksuel diçin restorantên wî lê ew ji bo protesto kirina wî diçin.

Gay û lezbiyenên ku diçin restorantên Chick-fil-A hevûdin maç dikin.


ji HAWAR NETê

Lööf dixwaze qaîdeyên xwîndêrên homoseksuel rake

 03.08.2012

Partîya Navendê (Centerpartiet) dixwaze qaîdeyên xwîndanê yên ku ji bo mêrên homoseksuel hene bên guhertin.

Halê hazir ji bo ku mêrekî homoseksuel bikaribe xwînê bide şert e ku ew salekê bi mêrekî din re nerazabe û bi mêran re neketibe têkilîya cinsî. Seroka Partîya Navendê Annie Lööf qaîdeyan wekî dîskrîmînasyon dibîne.

-  Partîya Navendê dixwaze şertê zigurdîyê, yan xwevegirtina ji seksê ji bo zilamên homoseksuel rake. Di şûna wê de, bê ku mirov binêre bê kesek homo- yan heteroseksuel e em dixwazin giranîyê bidine ser hemû reftarên di xeterê de.
Lê ev pêşnîyaza Annie Lööf bi serê Federasyona mafê HBTyîyan RFSL nakeve.
Rêxistina mafê homoseksuelan balê dikişîne ser wergirtina vîrusa HIV ku di nav mêrên homoseksuel de ji %80 bilindtir e. Û radigihîne ku  sedemên xurt ji alîyê tendurustîyê ve hene ku divê berçav bên girtin.

ji Radyoya Swêdê

Transseksuel grûpeke berxeter e di civakê de


 2.08.2012
Kesên transseksuel grûpeke zêde berxeter e, ew tûșî zor û șideteke giran dibin di civakê de. Ev yeka di xizmeta nobedarîya qurbanên tawanan ya rêxistina RFSL de jî diyar dibe, rêxistina seranserî bo mafê kesên homoseksuel, bîseksuel û transeksuelan li Swêdê.

Di heman dema ku gilîkirinên tawanên nefretê hember kesên homoseksuel di van salên dawî de kêm bûne, li hêla din gilîkirinên tawanên nefreta hember kesên transeksuel zêde bûne. Li gor dezgeha berlêgirtina tawanan, Brå, di navbera sala 2010 û 20111 de ji 31 gilîkirinan bûn 52. Lê Sofia Kuno, birêvebira projeyê li xizmeta nobedarîya qurbanên tawanan ya RFSL, texmîn dike ku hejmara ji wisa bêhtir e.

-Sofia Kuno dibêje, ez karim bêjim ku bêguman hejmara neqeyd kirî ya tawanên nefretê hember kesên transseksuel ji dora 50 bi gelekî bêhtir e. Ji ber di rastîyê de tadeyeke bêhtir li wan dibe.

Tawanên nefreta hember kesên transseksuel yan jî motîvên fobîya kesên trans bo tawanên nefretê, tenê ji 2008 de wekî tawan peyda bûye, herҁend ku kesên sînorên cinsî derbas dikin ji mêj ve grûpeke di civakê de berxeter e û tûșî tadê û zorê dibin.

Sofia Kuno dibêke ku bi kêmanî %15 ji telefonên ji wan re tên bo xizmeta nobedarîya qurbanên tawanan ya rêxistina RFSL, ji kesên transin û yê tawankar bêhtirê caran kesekî nasê wan e, cîraneke yan jî hevjîn e ku dixwaze rûmeta wan bișkîn e û wan biҁûk bike.

-Di heman dema ku tade li wan dibe, mecbûr dibin gotinên mîna: ”transa pîs” û ”ez li keҁan naxînim lê tu nekeҁeke duristî” dibihîzin. Lê asayî ye ku tenê kesên trans tûșî zor û șidetê dibin. Sofia Kuno ji RFSL dibêje ku hem zor û șideta bi motîvên fobîya kesên trans jî zêde cidî ye:

-Em car bi dû carê de dibînin ku dema kesek bi vê motîvê dixwaze tadê li kesekî bike, piranîya caran dixwazin wan bitirsînin û nîșankirineke bo vê grûpê. Û eger mirov li tada fîzîkî binere, piranîya caran derbarê zor û șideteke giran e û di heman carê de dubarekirî ye.

Li wan didin û bi pêhna jî û piștre careke din wan vedigerin. Sofia Kuno dibêje, ev derbarê pêșwazî kirin û muamelekirina civakê ye jî. Kuno berdewam dike û dibêje kêm kes diwêrin gilî bikin, ji ber tirsa zêde û biҁûk kirina ji alîyê polîs ve û hem jî alîyê dezgehên lênerîna tenduristîyê û sîstema dadmendîyê jî.

-Ew yên têkilîyê bi xizmeta nobedarîya qurbanên tawanan ya RFSL re datînin, danberhev bi xizmetên nobedarîyê din re, piranîya wan berîya gilî li ba polîs bikin telefonî me dikin. Ew carê dudilin ji aliyê pêșwazîya polîs û dezgehên din ve. Kuno dibêje bêguman hem ba polîs û hem jî ba karmendên dezgehan astengîya kêmasïya jîrbûnê heye ya divê em bi awayekî ҁareser bikin.
Ew hejmara kêm ya rewșên tên gilîkirin, kêm caran doz li wan di dadgehê de vedibe. Û ta nuha kes di dadgehê de ji ber tawanên nefretê bi motivên fobîya kesên trans nehatîye hukim kirin..

Berîya nuha bi demekê rewșeke dadgehî li Örebro deng pê ket, mêrek gumanjêkirî bi destdirêjîya cinsî hember jineke trans serbest hate berdan. Wî dest dirêjî betal kir dema dît ku jin jineke trans bû. Sofia Kuno dixawze bêje ku hem xurtkirina yasayan û hem jî jîrbûn di warê sîstema dadmendîyê de pêwîst e.
Bo ku ne be wekî rewșa li Örebro, ya tê de yasa mirov diparêz e lê wan hilbijart ku vê rewșê bi awayekî tirsnak yasayê șîrove bikin.

ji Radyoya Swêdê

Yekemîn Mizgefta Homoseksuelan li Fransayê Vebû

Dawîya vê hefteyê li Parîsê, yekemîn mizgeft li Ewropayê jibo kesên hevcinsbas hate vekirin. Mizgeft ji alîyê homoseksuelekî Fransî yê Misilman ku bi eslê xwe Cezayîrî ye, hate damezrandin. Dema Ludovic Mihemed Zahed jibo nivêjî diçû mizgeftê, wî bi ne rehetîyekê hest dikir, ji ber ku ew homoseksuel e. Zahed yê 35 salî ku bi eslê xwe cezayîrî ye, hest dikir çavên hemû Misilmanên din li mizgeftê li ser bûn.
Jibo Zahed, ne tiştekî rikber e ku mirov homoseksuel û Misilam be. Lê carna wî hest dikir ku kesên din li mizgeftê bi vî şêweyî nafikirin.
Carekê, hevjînê wî ji alîyê çend zilaman ve li mizgeftê hatibû rawestandin û jêre gotibûn çê nabe ew guharan li xwe bike. Hingê Zahed biryar da ku mizgefta xwe ava bike.
Di vê mizgeftê de, jin jî dikarin ligel rex mêran nivêjê bikin û wê birêve bibin. Ev tiştî gelek caran çê nabe were kirin.
Lê Zehed piştgirîya desthilatên Îslamî li Fransayê nagire, jiber ku hevcinsbazîya eşkere ji alîyê gelekan ve li dijî prensîpên Îslamê tê dîtin. Xetîbê Mizgefta Mezin li Parîsê, Dalil Boubabker rexneyê li vê însyatîvê digire.
Boubabker dibêje, ev ne beşek in ji civaka me, jiber ku li ser hin bingehan hatiye avakrin ku li dijî prensîpên Îslamê ne.
Wekî beşek ji xewna wî bi Îslameke vekirî, Zahed herwiha vê dawîyê komelek jibo Misilmanên homoseksuel li Fransa ava kiriye, ku nuha 300 endamên wê hene.
Dawîya vê hefteyê li Parîsê, yekemîn mizgeft li Ewropayê jibo kesên hevcinsbas hate vekirin. Mizgeft ji alîyê homoseksuelekî Fransî yê Misilman ku bi eslê xwe Cezayîrî ye, hate damezrandin. Dema Ludovic Mihemed Zahed jibo nivêjî diçû mizgeftê, wî bi ne rehetîyekê hest dikir, ji ber ku ew homoseksuel e. Zahed yê 35 salî ku bi eslê xwe cezayîrî ye, hest dikir çavên hemû Misilmanên din li mizgeftê li ser bûn.
Jibo Zahed, ne tiştekî rikber e ku mirov homoseksuel û Misilam be. Lê carna wî hest dikir ku kesên din li mizgeftê bi vî şêweyî nafikirin.
Carekê, hevjînê wî ji alîyê çend zilaman ve li mizgeftê hatibû rawestandin û jêre gotibûn çê nabe ew guharan li xwe bike. Hingê Zahed biryar da ku mizgefta xwe ava bike.
Di vê mizgeftê de, jin jî dikarin ligel rex mêran nivêjê bikin û wê birêve bibin. Ev tiştî gelek caran çê nabe were kirin.
Lê Zehed piştgirîya desthilatên Îslamî li Fransayê nagire, jiber ku hevcinsbazîya eşkere ji alîyê gelekan ve li dijî prensîpên Îslamê tê dîtin. Xetîbê Mizgefta Mezin li Parîsê, Dalil Boubabker rexneyê li vê însyatîvê digire.
Boubabker dibêje, ev ne beşek in ji civaka me, jiber ku li ser hin bingehan hatiye avakrin ku li dijî prensîpên Îslamê ne.
Wekî beşek ji xewna wî bi Îslameke vekirî, Zahed herwiha vê dawîyê komelek jibo Misilmanên homoseksuel li Fransa ava kiriye, ku nuha 300 endamên wê hene.
Kerem kin dirêjahîya raportê li ser lînka jêrîn bi dengê Sîrwan Qiçço guhdarî bikin.

Nelihevî derbarê beșdarvanên festîvala Pride

31.07.2012

Îro festîvala Pride li Stockholmê dest pê dike, ev cara panzdehmîne ku festîval li dar dikeve, festîvalek bo tolerans û tehemûleke bêhtir bo kesên hbt, ango yên homoseksuel, biseksuel û transseksuelan.
Lê hîna berîya ev festîval dest pê bike șîroveyeke germ derbarê sînorên siyasî bo vê festîvalê di ragihandinan de li dar ket.
Nelihevîya derbarê bê kî dikare tevlî vê festîvalê bibe mezin bûye û yên ҁalakvan li dij, wekî nimûne beșdarbûna polîs, dezgeha koҁê û hêza parastinê  derketine. Cattis Laska, ҁalakvan e di tora Ofog de ya dij milîtanîyê ango șervanîyê ye.

-Hêza parastinê û milîtanîzm li dijî civakeke vekirî xebat dikin, civakek mirov karin tê de ji kesê ew bixwazin hez bikin, tê de ew kes bin yên ew dixwazin bin. Beșdarbûna hêza parastinê, försvarsmakten di Pride de dihêle ku kesên ku ji șer revîyane, kesên zordestîya leșkerî dîtine li derveyê wê bimînin. Ew nikarin di xwenîșandan ango merasîmên Prideke bi vî awayî, tê de kesên bi cilên leșkerî beșar dibin xwe ewle û piștrast his bikin. Di van salên dawî grûpên karî yên cuda beșdarî merasîma Pride bûne, bi cilên xwe yên karî, tenê bo ku nîșan bidin ku kesên hbt di wî karî de, yê wekî din ev meyilên cinsî qebûl nedikir êdî qebûl kirî ye.
Berîya ҁar salan hêza parastinê birîyar da ku beșdarî merasîmê bibin û ji ber ku Pride bi awayekî siyasî nabînin, bi wan durist e cilên leșkerî li xwe bikin. Lê di merasîma Pride ya sala par de, ҁalakvanên ji rêxistina dijșervanîyê Ofog dora grûpa ji hêza parastinê girtin û plakat û afîșên xwe li pișt kesên bi cilê leșkerî bilind kirin, bi nîvîsandinên mîna: ”ez wekî leșkerên ne hbt karim mirovan bikujim” û ”karê min kuștin e”.
Johan Hamnegård, serokê rêxistina Hof e, kesên homo-, bi û transeksuel di hêza parastinê de, dibêje ku ew kesên sala par zerer li wan bû zêde pê êșîyan:
-Bêguman wan hest kir ku ji nîșkave êrîșî wan bû û ku kesayetîya wan bin pê bû. Wekî ez têgihiștin gelek ji wan ji dil pê êșîyan.
Șefê festîvalê  ya Stockholm Pride, Alf Kjeller dibêje ku festîval meydaneke bo guftûgo û șîrove kirinê, ya tê de ne herkes lihevin, lê durist e ku dîtinên mirovan ne wekî hev bin. Li gor Kjellen her kes bi bî û bawerîyên hizra Pride re ne karin beșdarî merasîma wê, ango parada wê bibin lê eger rêzê bo beșdarvanên din re bigirin.
-Pride bi xwe siyasî ye. Hertiștê mirov dike bi awyekî ji awayan siyasî ye. Ya em dikin ew ku em șîroveyên siyasî yên cuda ji alîyên cuda yên civakî mumkin dikin û her weha ji alîyên cuda yên civaka hbt jî. Em vê yekê dikin bi rêya rêvekirinê bo moderatên vekirî ta ҁepên vekirî jî, her kes kare beșdar bibe. Û li vê derê dîtin û nerînên cuda karin bên șîrove kirin. Kjellen dibêje bi vî awayî li Pride bi ҁavekî siyasî tên nerîn.
Pride ne tenê li Stockholmê li dar dikeve. Li gelek deverên din yên Swêdê festîvalên din yên Pride û yên kesên hbt tên li dar xistin. Li gelek ji van festîvalan eșkere nelihevîya derbarê beșdarvanan diyar bûye. Di wan de êrîș li grûpên cuda ji dezgeh û partîyên rexnekirî bûye.
Cattis Laska ji Ofog dibêje ku rexnekirin wan berîya hertiștî hember hêza parastinê wekî dezgeh e û ne hember kesên taybet yên beșdarî merasîma Pride dibin:
-Ev ne derbarê kesên taybetî ji dezgehên cuda ye yên mafê mirovan bin pê dikin, ne derbarê beșdarbûna kesên taybetî ye di Pride de, lê derbarê ku bo van dezgehan reklamek dibe û wekî nimûne bi vî awayî leșkerên bêhtir peyda bikin. Eger bi cilên sîvîl bana dê bo me nexm bûya.
Șefê festival Alf Kjeller her vedigere xala serekî, ku Pride meydaneke bo dîtin û nerînên cuda. Pridek tene tune ye li gor wî, her kesek û Prideke xwe heye û xweșîya wê jî ew e. 45 000 kes di merasîma Pride de beșdar dibin. Prideke șaș yan durist tune ye.

jî Radyoya Swêdê

Festîvala Pride dest pê dike

 30.07.2012

Sibê festîvala bi navê Pride ya bi mebesta balkişandina ser mafê kesên HBT (homoseksuel, biseksuel û transseksuel) dest pê dike. Ev sala panzdehan e ku festîval tê lidarxistin û amadekar radigihînin ku ew li bendê ne 45 000 kes îsal beşdarî festîvalê bibin.

Xwepêşandana mezin ya Pride ku ji Humlegården dimeşin Tantolunden, di 4ê tebaxê de ye. Heman rojê gelek rêxistinên rastgir yên dijî misilmanan li Stockholmê li hev dicivin û loma polîs tedbîrên ewlekarîyê zêde dike.

jî Radyoya Swêdê

Îran û Ezerbeycan ji ver Eurovision û 'gay'an ketin hev


Li gorî nûçeya ajansa Îranî ya Mehr, jêderekî ji balyozxaneya Îranê li Azerbaycanê, ragihand, balyozê Îranê, Mihemedbaqir Behraîm, duh êvarê ji aliyê Tehranê ve hatiye vekişandin. Jêderê han, got, sedema vê yekê jî, bêhurmetî li hember tiştên pîroz yên komara îslamî ya Îranê bûye.

Ji aliyekî din, tê gotin sedema vekişandina balyozê Îranê ji Azerbaycanê ji aliyê Tehranê ve, alozbûna têkiliyên Bakû û Tehranê li ser pêşbirka stranan a bi navê “eurovision”ê ye ku her sal li Bakû tê sazkirin.

Îranê ji Azerbaycanê xwestibû, meşa kesên “hevregez”, ku di çarçoveya eurovisionê de tê sazkirin, bê rakirin. Li hember vê yekê, serokê beşa civakî-siyasî ya serokomariya Azerbaycanê, Elî Hesenof, duh ragihand, van rojên dawiyê Îran li dijî Azerbaycanê progapandeyên tund dike û wiha axivî, “Ma Azerbaycan dixaze meşa hevregezan saz bike? Ez nizanim rayedarên Îranî ev yek li ku derxistin.”

Beriya niha jî, Îranê çend caran balyozê Azerbaycanê li Tehranê bi hêceta “alîkariya Azerbaycanê bo MOSSADa Îsraîl û kuştina pisporên etomî yên Îranê” hişyar kiribû. Azerbaycanê jî ev tohmet red kiribû. ”
 
ji Hawar.net

Dadgeha mafê mirovan ya Ewrûpa: azadiya derbirrînê binpê nebûye

 09.02.2012

Li gorî biryara dadgeha mafê mirovan ya Ewrûpayê dadgeha bilind ya Swêdê mafê azadiya derbirrînê binpê nekiriye dema ji ber sûcê tehrîka dijî grûbek xelkê ceza li çar kesan birrî sala 2006. Wan herçar kesên ku di sala 2004an de li dibistanekê li dijî homoseksuel ango hevcinsan belavok belav kiribûn, piştî biryara dadgeha bilind ya Swêdê, bi sedema ku azadiya wan ya derbirrînê hatiye binpêkirin, doz biribûn dadgeha mafê mirovan ya Ewrûpayê. Lê fêde nekir. Dadgeha mafê mirovan ya Ewrûpayê maf da dadgeha bilind ya Swêdê û biryar da ku azadiya derbirrînê nehatiye binpêkirin. Ev cara duyemîn e ku dadgeha bilind ya Swêdê biryara tawanê tehrîka dijî grûbek xelkê dide.

ji Radyoya Swêdê

Hemzayendên Tirkiyeyî û Dê û Bavên Transan Ji Bo Belgefîlma Xwe Li Benda Piştgiriya We Ne!

‘Di vê cîhana mezin de nikaribûn zarokê min bi cih bikin’
Melek Okan*
*Dayika Îrem a transeksuel a ku li Bursayê bi awayekî hovane hat kuştin. 

Em; wekî dê û bavên tirkiyeyî yên ku zarokên wan hemzayend, bîseksuel, travestî û transeksuel in, LÎSTAG’a ( Malbatên LGBTT’iyan Koma Stenbolê)  ku me bi hev re damezirandibû, em gihîştin hev û din û me dest bi kişandina belgefîlmê bi navê “Zaroka/ê Min” kir. Ji bo ku ev belgefîlm bê qedandin, pêdiviya me bi piştgiriya we hemûyan a sazûmanî, maddî û manewî heye.

Bi tikandina navnîşana www.listagfilm.com û bi gihîştina girêdana INDIEGOGO’yê hem hûn dikarin li fîlmê temaşe bikin,  hem jî hûn dikarin ji bo belgefîlma “Zaroka/ê Min” a ku rasteqînkirina xeyala me ye, di hêla maddî de tevkariyê bikin. Hûn dikarin navnîşana malpera webê di ser medyaya civakî de belav bikin û bibin pêşengê/a ku gelek mirov bi saya we agahdar bibin. Bi tevkariyên biçûk ên ku hûn bidin, em girîngiyê didinê ku di beşa malpera webê de wekî “piştevan” bê dîtin.
Ji Rêbendana sala 2008’an û bi vir ve bi civînên pergalkirî xwişk û bira,  xizm, endamên malbatan û bi taybetî jî em dê û bav ên ku endamên  LGBTT’ê (lezbiyen, gey, bîseksuel, travestî, transeksuel) yên ku tên cem hev, di her derfetê de roportajan didin medyayê û em hewl didin ku dengê xwe bidin bihîstin, em xwe bigihînin malbatên ku vê rewşê dijîn û piştgiriya xwe ya bi wan re didomînin.
Li welatê me yê ku homofobî û transfobî lê belavbûyî ye û pê ve girêdayî mekanîzmayên sansurê gelek çalak dixebite, ji bo ku dengê me ji hêla girseyên hîn mezinter ve bê bihîstin, me pêdivî bi belgefîlmekê dît.  Me xwest ku di vê erdnîgariya cîhanê de dengek hebe,  em û zarokên xwe çi dijîn, em vebêjin û em cîhaneke pêkan biafirînin. Mirov ji bo tiştên ku em dijîn fêm bikin,  tengasiyan dikişînin û ji nedîtî ve tên… Dema ku em wekî malbat biaxivin, roj bê û ew jî hîn bibin ku zarokên wan bixwe hemzayend, bîseksuel û trans in, dibe ku tiştên ku bijîn xeyal bikin, em fikirîn ku vê yekê herî baş ji me fêr bibin. Sala par di panela ku em tevlî bûbûn a Zanîngeha Bogazîçî de ji peywirdarên perwerdehiyê Can Candan ê ku li me guhdarî kiribû, wekî kesekî ku vê empatiyê qefaltibû, dema ku bi teklîfa çêkirina belgefîlma me hat, me fêm kir ku ji bo em dengê xwe bi hemû cîhanê bidin bihîstin, ev kesekî rast e, em gelek bi kelecan bûn û me dest bi kişandina belgefîlmê kir. Hûn jî dizanin ku derbasbûna me dê û bavên ku zarokên me bi awayekî mafdar dixwazin xwe bi nasnameya xwe derbibirin lê di vê civaka homofobîk û transfobîk te zordariyê dikişînin, derketina me ya ber kamerayan ne hesan bû.

Lê em LI VÊ DERÊ NE!

Em 5 dê û 2 bav ên ku ji nav LÎSTAG’ê hatine, bi navê xwe, bi rûyê xwe û ya herî girîng jî bi dilê xwe, pêşî li we dûre jî li hemû Tirkiye û cîhanê bag dikin! Belê, ji bo ku em bibêjin “Zaroka/ê Min hemzayendî ye, Zarokên me Transeksuel e” em çi jiyan û em çi dijîn? Em çawa derketin ber van kamerayan?  Me çawa dest bi vê rêwîtiyê kir û em hîn jî dixwazin çi bikin?  Em ê vê yekê hemû bi hev re,  dema ku belgefîlm bi dawî bû, bibînin.  Lê wekî ku em hemû jî dizanin, li vî welatî kişandina belgefîlmekî, hele kişandina belgefîlmekî ku li ser LGBTT’iyan be qet jî ne hêsan e. Di vê riya dijwar de li ser navê ku em piştgiriya xwe bidin nîşandan, pêdiviya me bi alîkariya we heye.
Ji kerema xwe re di ser navnîşana www.listagfilm.com re bibin piştevanên “Zaroka/ê Min”!
Haydê! Em hemû bi hev re ferqekê biafirînin…

LISTAG (Malbatên LGBTT’yî Koma Stenbolê)  
Zaroka/ê Min: www.listagfilm.com
LİSTAG: www.listag.wordpress.com

ji LISTAG