Daxûyaniya TODAPê

28.06.2015

JI ÇAPEMANÎ Û RAYA GIŞTÎ RE, 

Dema em bala xwe didin dîroka psîkiyatrî û derûnnasiya modern ku sedsala 19. de pêşketiye, em dibînin ku kesên LGBTÎ ( lezbiyen, gay, bîseksuel, trans, înterseks ) wekî nexweşan hatine nirxandin. Me dît ku tevî kirinên zayendî yên ku pey ve zêdebûn naye an derveyî sînorên normatif disekine, herwiha rewşa kesên LGBTÎ jî wekî pirsgirêk/nexweşiyê hatiye binavkirin û “dermankirina wan” hatiye armançkirin. Lê van  40-50 salên talî de tevî guherîna demê, him bi rêya xebatên akademîk him bi têkoşîna kesên LGBTÎ, psîkiyatrî û derûnnasiya di bin siya serdest de, dev ji nêrîna xwe nexweşiyê ya li hember hevzayend, bîseksuel û transan berda. Berevajî van mixabin em nikarin bêjin ku li Tirkiye’yê û li welat û cihên din de, derûnnasî û psîkiyatrî xwe ji homofobî û transfobîyê tev de azad kiriye. Em dizanin ku hempîşeyên me yên ku rêgeza bingehîn ya derûnnasiyê “bêşert qebûlkirin” ê  û etîka pîşê binpê dikin, xebatên xwe pîşeyî û teorik bi îdeolojiyên xwe yên heteroseksîst ava dikin, li hember hevzayend, bîseksuel û transan qaşo dermankirinan pêş dixin, metodên wan di pirtûkên xwe de dinivîsin û pratika wan dikin hene. Em ji wan hezar carî fedî dikin! Em bi tu awayî tu cûrên perbêbûnên zayendî û nasnameyên zayendî wekî nexweşiyan qebûl nakin!
Em wekî derûnnas û psîkiyatrîstan;

Li hember ji bo kesên hevzayend, bîseksuel û transan qaşo metodên dermankirinê, pirtûkên ku bi homofobî û transfobîyê hatine nivîsandin,  xebatkarên nexweşxaneyan ku dema  trans ji bo pirsgirêkên xwe yên derûnî an tıbbî hewce bimînin di nexweşxaneyan da razin tenê gorî nasnameyên wan servîsan da bi cih dikin, pratîkên homofobîk û transfobîk yên di sîstema tendûristiyê de cih digrin, di perwerdeyên beşên derûnnasî û psikiyatriye de hewandina nêrîna heteroseksîst disekinin.

Em wekî şêwirmendên derûnî û mamosteyên rêberiyê yên ku di dibistanan û qadên tendûristiya giyanî de dixebitin;

Li hember  nêrîna transfobî û homofobiya di dibistan û saziyên perwerdê de, di klînîkan de ji bo hevzayend, bîseksuel û transa pêşdixînin disekinin!
Em wekî pisporên xizmeta civakî yên di qadên tendûristiya giyanî de dixebitin;
Dizanin ku wargehên zarokên bêxwedî de kesên LGBTÎ ji cihên xwe tên avêtin, li gelek zordariyan dûçar tên. Em li hember bêheqiya ser kesên hevzayend, bîseksuel û transan disekinin!

Em wekî xebatkarên tendûristiya giyanî tev de,  hemû cûrên qaşo dermankirina kesên hevzayend, bîseksuel û transan, îdeolojiya heteroseksîst, û neheqiya li ser wan red dikin! Û em dixwazin qadên tendûristiya giyanî carek din ji bo sekna hemû kesên civakî were avakirin!

Kesên LGBTÎ wekî nexweşan qebûlkirin û/an li hember vê qebûlkirinê bêdengmayin şirîkiya qetilkirinên nefretê ye.  Em şirîkê van qetilkirinan na bin!

KOMELEYA DERÛNNASÊN PIŞTGIRIYA CIVAKÎ- TOPLUMSAL DAYANIŞMA İÇİN PSİKOLOGLAR DERNEĞİ  ( TODAP)
KOMELEYA DERÛNNASÊN TIRK –
TÜRK PSİKOLOGLAR DERNEĞİ ( TPD )
ODEYA BIJIŞKÊN STENBOLÊ –
İSTANBUL TABİP ODASI ( İTO)
YEKÎTIYA BIJIŞKÊN TIRK, BIJIŞKIYA JINAN Û BASKÊ TENDÛRISTIYA JINAN –
TÜRK TABİPLER BİRLİĞİ, KADIN HEKİMLİK VE KADIN SAĞLIĞI KOLU
TENDURISTIYA GIYANÎ DE KOMELEYA MAFÊN MIROVAN - 
RUH SAĞLIĞINDA İNSAN HAKLARI DERNEĞİ ( RUSİHAK)
DERÛNNASÊN CıVAKÎ-
TOPLUMCU PSİKOLOGLAR
KOMELEYA XEBATÊN TRAVMAYÊ –
TRAVMA ÇALIŞMALARI DERNEĞİ
KOMELEYA ŞÊWIRMENDÊN DERÛNNASÎ-
PSİKOLOJİK DANIŞMANLAR DERNEĞİ ( PD-DER)
PLATFORMA XWENDEVANÊN DERÛNNASΠ YA ZAGONA  PÎŞEYÊ -
PSİKOLOJİ ÖĞRENCİLERİ MESLEK YASASI PLATFORMU ( PÖMYAP )

 

ji TODAP

Serokê Zembaboyî bo Obama: Ka em bizewicin

Serokê welatê Zembaboyî daxwaz ji serokê Emerîka Barak Obama kir ku hevsergîriyê li gel wî bike eve jî piştî wê yekê hate ku Obama piştgîriya xwe ji bo hevsergîriya hevregezbazî nîşan danbû û ew yek bi serkeftina welatên xwe wesif kiribû hatiye.

Robert Mogabî, serokê Zembaboyî ku yek ji dîktatorên Efrîqayêye daxwaz ji Obama kir ku pêre bizewice û bibin yekem du hevserên hevregez li Zembaboyê.

Mogabî di tiwîteke xwe de nivîsiye: Eger Obama bixwaze hevsergîriya hevregezî li welatê min cî bi cî bike ezê yekem kes bim ku wê marê bikin daku bibe başirîn nimûne.

Barak obama hikumê dadgeha bilind a Emerîkayê bi rêdana bi hevsergîriya hevregebazan bi serkeftina welatê xwe wesif kir.

ji Xendan

Obama: Biryara Dadgeha Bilind Derbarê Hevcinsbazan “Serkeftinek” ji bo Amerîka ye

Serokê Amerîka Barack Obama biryara Dadgeha Bilind derbarê zewaca hevcinsbazan wekî “serkeftinek jibo Amerîkayê” binav kir.
Dadgeha Bilind ya Amerîkayê roja Îniyê biryarek erê kir jibo rê bide kesên hevcinsbaz (homoseksuel) ku karibin li her deverekê li Amerîka zewaca xwe pêk bînin.
Ji eslê 9 dadweran, 5 bi erê deng dan û qanûn bi wê yekê hate derbaskirin. Li Amerîka, zewaca hevcinsbazan li 36 wîlayet û Washingtona paytext qanûnî bû, lê bi vê biryara Dadgeha Bilind zewaca wan êdî li her 50 wîlayetan dibe qanûnî.
Piştî vê biryara dîrokî, Serok Obama li Koçka Spî got, “ewê biryar dawiyê li nerehetiya bi sedan hezar hevserên heman regezî bîne. Ewê ev biryar civakên Amerîkî bihêztir bike.”
Di dawiya axaftina xwe de, Serokê Amerîkî got, “divê Amerîka bi vê yekê gelekî serbilind be.”

Ji Dengê Amerîka

Stargehên penaxwazan sertîfîkaya HBTQ’yê distînin


27.06.2015

Li Swêdê daîreyên dewletî girîngiya li ser mijara HBTQ’yê zêde dikin û vêga 4 stargehên penaxwazan jî sertîfîkaya HBTQ’yê standine. Stargeha penaxwazan Westsura Herrgård a li Surahammarê yek ji van stargehên ku nû sertîfîkaya HBTQ’yê standiye.

Jeanette Peretic midûra vê stargehê ye. Ew dibêje ji bo ku em karibin mirovan bi awayekî baş û xweş pêşwazî bikin û pêdiviyên wan fêm bikin divê kompetensa me ya taybet hebe.

Ew diyar dike ku li gorî wan divê herkes xwe dilrehet his bike û zanibe ku em bi dilxweşî wan pêşwazî dikin. Ev yek bi taybetî ji bo kesên ku ji ber nasnameya xwe ya cinsî serî li penaxwaziyê didin gelekî girîng e.
Çar herfên HBTQ kurtkirina gotinên homoseksuel, biseksuel, transeksuel û queer in û ji bo van nasnameyên cinsî têne bi kar anîn. Jeanette Peretic dibêje dema ew bi kesên HBTQ’yê re rû bi rû hatine wan fêm kiriye ku ew ji ber nasnameya xwe ya cinsî pirê caran du caran zêdetir tûşî zordarî û zehmetiyan tên. Loma personelê stargeha penaxwazan a Westsurayê ya li Surahammarê dest bi nîqaşkirina kêşeyê kirine.

Peretic dibêje wê demê me fêm kir ku em li dijî pêşhikmiyan tê dikoşin û me xwest em zanyariyên xwe yên li ser vê mijarê bi pêş ve bixin.

Di dawiyê de wan li rexistina mafê homoseksuel, biseksuel, transeksuel û queeran ya bi navê RFSL’ê dest bi perwerdehiyeke 6 mehî kirine. Bi stargeha wan re 3 stargehên din ên ji herêma Skåneyê jî beşdarî vê perwerdehiyê bûne. Ev her çar stargeh bi hev re ji aliyê şirketa lênêrînê Attendo ve têne bi rê ve birin.
Dawiya heyva gulanê dema perwerdehiya HBTQ’yê qediyaye stargehê ala keskesorê li ber avahiya xwe bilind kiriye. Û bi vê re pêşwazîkirina penaxwazên nû jî bi awayekî pozîtîv hatiye guhertin.

Jeannette Peretic behsa guhertinên di pêşwazîkirinê de dike. Ew dibeje ji dêlva em pirsa jin an mêrê penxwaz bikin em gotina partner bi kar tînin. Li şûna em ji serî ve biryarê bidin û bêjin jin jin e û mêr mêr e, em ji penaxwaz bi xwe dipirsin ka em ê kîjan cînavkê jê re bi kar bîn, wî yan wê.

Ji bo ku mirov karibe vê sertîfîkayê ji RFSL bistîne divê jîngeha fizîkî jî were eyar kirin.

Peretic dibêje me tiwaletên xwe yên ku li gora zayendê bûn guhertine û ji vî alî ve neutral kirine. Me demên vekirîbûnê yên saûna û gymê wisa eyar kirine da ku hemû grûpên li stargehê karibin van tesîsan bi kar bînin. Me huner û rengên bi dîwarên xwe ve kontrol kirine. Wan herwiha lîsteya rûtînên xwe û prensîpên şirketê guhertine da ku hertişt li gorî kesên HBTQ werine eyar kirin.

Jeanette diyar dike ku jixwebaweriya personel a li ser pirsa HBTQ’yê zêde bûye û heta pê tesîrek di nav hin penaxwazan de tê dîtin û ew hêdî hêdî diwêrin behsa nasnameya xwe ya cinsî bikin.

Lê ew dibêje dîsa jî hê karê wan bi dawî nebûye. Herçiqasî ku ala keskesorê li ber avahiya wan hatibe bilind kirin jî gelek ji penaxwazan nizanin ka ev tê çi maneyê û fikrên wan ên li ser mijarê ji hev cuda ne.
Jeanette Peretic dibêje di nava salekê de rewşa me yê bi temamî were guhertin. Heta hingî ji bo agahdarkirina penaxwazan a li ser mijarê em ê rêbazeke baştir bi dest bixin.

Ew diyar dike ku bicihanîna qaîdeyan  pirsa sereke ye. Divê em zanibin ka em ê çawa hemû penaxwazên li stargehê li ser mijara HBTQ’yê agahdar bikin. Da ku ew zanibin ku ev ne neqenciyek e ne jî tiştekî têger e. Da ku zanibin ku ev tiştekî xwezayî ye û li Swêdê mirovên HBTQ’yê bi qanûnan têne parastin.
Ji xeynî stargehên penaxwazan li seranserê Swêdê gelek daîre û şirketên din ên weke cihên dema vala, şêwirdariyên malbatan, navendên xizmeta tenduristiyê û miayenexaneyên ciwanan jî sertîfîkaya HBTQ’yê standine.
Jeanette Peretic dibêje ev tiştekî gelekî girîng e û ew hêvî dike ku şirket û daîreyên din jî dê çav li wan bikin û bi vî awayî ev çalakî dê berfirehtir bibe.

ji Radyoya Swêdê 

Volta Çark: Mirov li girtîgehê LGBT’î bin

STENBOL - ZEYNEP KÛRAY / ANF
23.06.2015
 
Rosîda Koyûncû bi pirtûka xwe ya ‘Volsta Şark:Mirov li girtîgehê LGBT’î bin’ zilma li ser kesên trans yên girtîgehê tîne rojevê. 17 kesên trans ên bi vegotinên xwe pirtûk amade kirine, hinek ji wan rastî taciz, tecawiz û gotinên nefretê hatine. Koyûncû ku ji ANF’ê re axivî diyar kir ku kesên trans ê ku mehkûmî hucreya yek kesî tên kirin, ji kîjan sûcê dibe bila bibe, bikevin girtîgehê rastî newekheviyek mezin tên.

Rosîda Koyûncû diyar kir ku ew ji Amedê ye û 26 salî ye, aktîvîstê LGBT’iye. Koyûncû li ser fikra ku çawa pirtûk nivîsiye jî wiha got: “Ez li pêşberî girtiyan her tim bi hestyar bûm. Ji bo dengê wan bidim bihistin min xebat meşandiye. Di vê çarçoveyê de ez di Radyoya Nor de ji bo girtiyan bernameyê çêdikim. Ez her Şemî beşdarî civînên ÎHD’ê yên ji bo balê bikişînin ser rewşa girtiyên nexweş, dibim. Di heman demê de beşdarî xebatên Komeleya Civaka Înfaza Cezayê dibim. Di gelek panel û projeyên di vê çarçoveyê de cih digirim.  Koma mahpusên hewcedariyê taybet, zêdetir têkildarî girtiyên astengdar, biyanî û LGBT’î de xebatan dimeşîne. Ez jî destekê didim van xebatan. Dema min ev xebat dimeşand min hîn kir jinek trans a bi navê Avşa ya li girtîgeha Tîpa F ya Bafrayê dimîne ev 40 roje di gireva birçîbûnê de ye. Min ev ji parvekirinên facebookê hîn kir. Di encama lêkolîn û şandina nameyan de min hîn kir ku çima Avşa ketiye grevê. Avşa li girtîgeha Gîresunê ji aliyê gardiyanekî ve rastî tecawizê tê, serî li dadgehê dide lê dadgeh dozê qebûl nake. Piştre serî li Cezaya Giran dide û gartiyan 8 sal û 9 mehan ceza digire û ji peywirê tê girtin. Avşa ji ber ewlehiyê dişînin girtîgehên din.  Li her girtîgehên din jî rastî zext û tacîzê tê. Ev li Bafrayê jî didome. Dozê vedike lê encamê nagire. Piştre hewl dide înxatar bike. Dawî bi du hevalên xwe re dikeve grevê. Piştî greva birçîbûnê ya 60 rojî şûnde bi Osman Ercan yên bûyer daye bihistin re surgunê girtîgehek din tê kirin.

'ZEXTA HERÎ MEZIN LI SER KESÊN TRANS TÊ KIRIN'
Rosîda Koyûncû bal kişand ser zextên li ser LGBT’iyan tê kirin û diyar kir ku ev pirtûk di encama hevdîtin û lêkolînên bi kesên LGBT’î re amade kiriye û got: “Ez salekê li ser xebitîm. Ez bi gelek jinan re rûniştim. Di pirtûkê de min piranî cih da vegotinên jinên trans. Li girtîgehan kesekî hevzayend dikare xwe veşêre lê yekî trans nekare vê bike. Sedem jî ev e. Ji ber vê jî herî zêde kesên trans li girtîgehan rastî zextan tên. Dema ji Wezareta Dadê tê pirsîn tê gotin ku li girtîgehan 95 girtiyên LGBT’î hene.  Lê di nav vê hejmarê de mêrên hevzayend an jî jinên lezbiyen nayên hesibandin. Mînak kesên emelyet nebûne, yanî zayenda xwe neguhertine, dişînin girtîgehên mêran. Di hucreyên yek kesî de tên hiştin. Min ev tecrîd di pirtûka xwe de vegotiye.  Ez bi kesekî re axivîm, li gorî vegotinên wî tevî ku koxuşa transan li Maltepeyê heye jî di hucreyê de tê girtin. Jinên trans di hucreyên yek kesî de tên girtin, dişînin girtîgehên mêran. Bi zorê porê wan tê jêkirin. Tazî lêgerîn dikin. Rastî tecawizê tên.  Rastî pêkanîn dij mirovahiyê tên.  Her tim rastî gotinên nefretê tên.”

'DI NAVA TECRÎDÊ DE TECRÎD'
Rosîda da xuyakirin ku ev bûyer piranî li girtîgehên wekê Tîpa F ya Bafra, Şakran, Tîpa T ya Şakranê, Salîhlî ya Manîsayê  tên jiyîn. Rosîda axaftina xwe wiha berdewam kir: “Li Şakranê jineke trans a bi navê Esra ku cezayê muebetê girtî heye. Şertên wê xerab in herhal, min nekarî nameyê jî bişînim. Di hevpeyvîneke rojnameya Meydan de ez bi rewşa wê hesiyam. Bi jinek trans ya bi navê Merve re nameyan ji hev re dişînin. Min ji Merve agahiyên têkildarî wê de girtin. Esra li girtîgehê bi çêkirina morîkan debara xwe dike. Rastî zextan tê. Her wiha jine trans a bi navê Funda heye. Niha li girtîgeha Tîpa E ya Eskîşehîrê dimîne. Ji ber zextan 13 girtîgeh guhertiye. Funda jî li girtîgeha Bafrayê gelek carî rastî şîdet û gotinên nefretê hatiye. Dîsa jineke trans a Azerî ya bi navê Sîbel heye.  Sîbel li derve ji aliyê muşteriyekî xwe ve rastî şîdetê tê û wê dide xebitandin. Pereyê wê jê digire. Sîbel wî dikuje. Parêzer wê naparêzin, Sîbel neçar dimîne xwe biparêze. Sîbelê 30 sal û 8 meh ceza girtiye. Niha li girtîgeha Maltepeyê tê girtin.”

Rosîda di dewama axaftina xwe de got ew jî di 21 saliya xwe de ji ber nasnameya xwe ya siyasî hatiye girtin û got: “Ez bi îdiaya endamtiya PKK’ê hatim girtin. Ez li girtîgeha Tîpa F ya hejmar 1 a Kandrayê mam. Min nasnameya xwe destpêkê ji îdareya girtîgehê re venegot. Lê min ji hevalên xwe yên hucreyê re vegot.  Wê demê ciwanekî hevzayend yê bi navê Roşîn Çîçek li Amedê ji aliyê malbata xwe ve hat kuştin. Vê bûyerê bandorek mezin li ser min kir. Min ji wezareta Dadê, komîsyona li hevkirina destûra bingehîn û girava Îmraliyê re name nivîsî. Kakila van nameyan di pirtûka min de heye. Di nameya ku min ji wezareta dadê re nivîsandiye, min got girtiyên trans û hevzayend rastî taciz, tecawizê tên. Di nameya ku min ji birêz Ocalan re nivîsî de jî min ji parêznameya Sosyolojiya Azadiyê mînak dan û min got çima gelê ku bedelê dide bi me bedelê dide. Îdareya girtîgehê ev name xwendin û zextan destpê kir. Ji ber nerehetiya çav ez çûm Nexweşxaneya Lêkolîn û Perwerdehiyê ya Kocaeliyê.  Doktorê nexweşxaneyê got divê ti biçî psîkiyatrîst. Min got çima, ji min re got ji ber nameyan. Tevî israrên min ez şandim. Armanca wan ev bû ku min bişînin hucreya yek kesî. Başe ku doktorê psîkiyatrîst baş derket. Rapor li gorî daxwaza min nivîsî.”

'LI ŞÛNA GIRTÎGEHÊ ÇÊBIKÎ ZÎHNIYETÊ BIGUHERE'
Rosîda bal kişand ser navê pirtûkê û got Volta wek tê zanîn gavê li girtîgehê ji serî heta seriyê din tê avêtinê ye û Çark jî hem çarka di pergalê de digere heye û hem jî çarka ku karkerên seksê bi şev derdikevin kolanan û davêjin heye, ji ber vê min her du kir yek.
Rosîsa wiha dawî li axaftina xwe anî: “LGBT’î ji kîjan dozê bikevin hundir bila bikevinê rastî cudahiyê tên. Jinek trans ji wezareta dadê re nameyê dişîne. Wezareta dadê dibêje wê di 2015’an de li Îzmîrê girtîgehek trans ava bikin. Li şûna ku girtîgehê çêdikin, bila zîhniyetê biguherin. Divê daxwazên LGBT’iyan bigirin.”

ji ANF

Penaxwaz ji ber sûcê nefretê tê dadgeh kirin


21.06.2015

Zilamekî 37 salî ji ber sûcê nefretê yê li dijî homoseksuelan îro tê dadgehkirin. Zilêm li bajarê Jönköpingê li xaniyekî penaxwazan ê Daîreya Koçê ji ber ku homoseksuel in du zilamên penaxwaz bi mirinê tehdîd kirine.Vêga zilam bi rîska girtîgeh û dersînorkirinê re rû bi rû ye.

Zilamê ku ev tehdîd kirine bi xwe jî li xaniyê penaxwazan dimîne. Li gorî şahidan wî gelek caran ev herdu zilam tehdîd kirine, li wan daye û bi destên xwe qirika zilamekî ji van guvaştiye û ew aviye erdê û bi pehînan lê daye.

Zilamê gumanjêkirî herwiha gotiye ku misilman nikarin bibine homoseksuel û divê yê wiha weke rojnamevanên rojavayî ku Daişê kuştine werine serjêkirin.
Midûra Daîreya Koçê ya li Jönköpingê Åsa Gustaf dibêje em qet nikarin bûyerên wiha qebûl bikin.

Dozger diyar dike ku sedema sûcê xisûsiyeta cinsî ya van herdu zilaman e û ew dibêje kêm caran dozên wiha heta bi dadgehkirinê tên. Sala 2013’an 630 sûcên nefretê yên ji ber xisûsiyeta cinsî hatine gilî kirin, lê tenê çendek ji van hatine dadgeh kirin.

ji Radypya Swêdê

14 hezar kes beşdarî ‘Meşa Rûmetê’ ya li Goteborgê bûn

Festîvala West Prîde ya di 10’ê Hezîranê de li bajarê Goteborg a Swêdê dest pê kir bi ‘Meşa rumetê’ ya ku 14 hezar kes beşdar bûn û 30 hezar kesî temaşe kir, bi dawî bû.
Di dema Festîvala West Prîde ya 6. Ku li bajarê Goteborg pêk hat de, nêzî 250 alên Gokkuşagi hatin daliqandin û nêzî 250 bernameyên panel, konferans, pêşangeh û fîlm pêk hatin.
Beşeke bernameyan li Parqa Gokkuşagi pêk hat û bi taybet jî hinek li avaliyê şaredariyan, şanoyên dewlet û sînemayan pêk hatin.
Di nav de  rêxstina efûya navneteweyî, dêrên Swêdê, karker, memur û rêxistinên ciwanan jî hebûn nêzî 50 rêxistinî li Parqa Gokkuşagi stand vekirin.
PIRSGIRÊKÊN LGBTI’YÊN EXTIYAR HATIN NÎQAŞKIRIN
Di bernameyê de pirsgirêkên LGBTÎ yên bajarê Goteborgê hatin nîqaşkirin.  Yek ji bernameyên herî qerebalix panela ku pisgirêka LGBTÎ’yên extiyar hat nîqaşkirinê bû.
Nûnerên partiyên siyasî diyar kirin ku li bajar hewcedariya LGBTÎ’yan bi xaniyekî heye û hat pêşniyar kirin ku mijar ji aliyê Meclîsa Giştî û Şaredariyê ve bê nirxandin.
LI DIJÎ ÊRÎŞAN HEVKARÎ
Rêxistina bi navê Ciwanên li Dij Nîjadperestiyê jî konferansek têkildarî polîtîkayên li hemberî penaberan û hevzayendan pêk anîn. Di axaftinên hatin kirin de biryar hat girtin ku li dijî êrîşên li hemberî LGBTÎ’yan divê hevkarî bê kirin.
Federasyona memur ya bi navê Vîsîon jî ku xebatkên tenduristî û şaredariyê rêxistin dike, jî di nava organîzatorên ku festîval rêxistin kiribû de bû. Rayedarê Federasyonê Markus Gustavsson şaredariyê di saetên xebatê de destura beşdarbûna xebatkaran a çalakiyan daye û got ev tiştekî gelek baş e.
Mîhrîcana 5 rojan berdewam kir, roja yekşemê bi meşeke ku 14 hezar kes beşdar bûn û 30 hezar kesî temaşe kir, bi dawî bû.
http://www.anfkurdi.com/

Meclîsa Eyaletan a Elman zewaca hevzayendan erê kir

Saturday, June 13, 2015 at 8:10 AM

Piştî li Fransa, Îngîltere û Îrlanda hat qebûlkirin Elmanyayê jî zewaca hevzayendan qebûl kir.
Di dengdayîına li Meclîsa Eyaletan (Bundesrat) a di qanûnên welêt eleqedar dike de, bi Meclîsa Federal re xwedî heman rayeyê ye, pêşniyazqanûna ku destûrê dide zewacên hevzayendan hat qebûlkirin. Di pêşniyazqanûna ji aliyê eyaleta Niedersachsen ve hat pêşkêşkirin, tevî demokratên Xiristiyan li hember derketin jî bi dengên partiyên çep hat qebûlkirin.
Di pêşniyazqanûnê de hevzayend tevî ku dikarin bizewicin dikarin zarokan jî wek nevîsî bigirin gel xwe.

ji ANF

Kempeynên Hilbijartinên Tirkiyê Berdewam Dikin

Çend roj mane ji hilbijartinan re, lê kempeynên partiyên siyasî li Tirkiyê her berdewam in.
Roja şemiyê Partiya Doza Azad (Hudapar), roja Duşemê jî Partiya Dad û Pêşevbrinê (AKP) li Amedê, li Qada îstasyonê mitîngên hilbijartinê lidarxistin. Partiya Demokratîk ya Gelan (HDP) jî, di 5'ê Hezîranê de li heman qadê wê mitinga xwe lidar bixe.

Hêjayî gotinê yê, 29'ê mehê li gundekî navçeya Hezexê (İdil) ya Şirnexê di navbera alîgirên Hudapar û HDPiyan de pevçûn rû da ji sedema kempeynên hilbijartinê û du mirovên Hudaparê hatin kuştin, du mirovên HDPê jî birîndar bûn.

Serokê Giştî yê Hudaparê Huseyin Yilmaz û namzedê Amedê Zekeriya Yapicioglu di gotarên xwe de li ser vê bûyerê û pevçûnên navbera aligirên wan de sekinîn. Herduyan jî gotin ku HDP zextê li ser alîgirên wan dike.

Di van herdu mîtîngên dawî yên li Amedê de, peyam zêdetir li ser îslamiyetê bûn. Hem AKP hem jî Hudapar, li Amedê, HDP bi tundî rexne kirin jiber namzedên endamên  homoseksuel (LGBT).

Rêvebir û namzedên Hudaparê gotin, HDP dixwaze Kurdan ji urf û adetan dûr bixe û bêexlaqiyê di nav Kurdan de bicî bîne.

Serokwezîr Davutoglu jî got HDP Kurdan ji îslamê dûr dixe.

Herwiha Serokwezîr got, HDP jibo di bin benda hilbijartinê de nemîne, dixwaze tirsê têxe nav dilê gel. “HDP xelkê ditirsîne ku bendê derbas neke wê bûyerên ji yê Kobaniyê xerabtir rû bidin. Em bi ti awayî rê nadin ku careke din bûyerên wek yên wê demê biqewimin. Çi lazim be emê bikin. Herwiha xwediyê pêvajoyê AKP ye. Jibo dewamiyê jî divê di hilbijartinê de dengên zêde bigire."

Hêjayî gotinê ye ku li herêmê gelek mirovên dengên xwe didin AKPê, naxwazin ku HDP di bin benda hilbijartinê ya 10 ji sedî de bimîne. Li ofîsa hilbijartina AKPê, me ji mirovên ku dengên xwe didin AKPê pirsî bê ka ew li ser AKP û HDPê çi difikirin.

ji DengêAmerîka

Daxûyaniya İstanbul LGBTT

Li dij kesên hevzayend, bîseksuel, trans û interseks êrîşên heyî her roj zêdetir dibin. Di dema amedekirina makezagona nû û Qanûna Sûcên Nefretê de hikûmeta ku hemû kampanyayên me meşandin ji nedîtî ve hat û ji guhê xwe ji hemû bangên me re girtin; peyama qetilkirinê bidomînin bi israr belav dike.
Bi sefseteya guhertina bajarvaniyê kolanên ku kesên Trans di nava ewlekariyê de lê dixebitin yek ji holê tên rakirin.
Piştî girtina kolana Dernekê di dema nêz de li kolana Daracik du avahiyên ku jinên Trans lê dixebitîn û lê dijîn ji aliyê Mudiriyeta Emniyetê ya Beyogluyê ve bişêwazekî bêhiqûqî bi mekîneyên kelijê (kaynak) hatin girtin.
Ev têgihiştin mîna xwedayina der a nefreta dewletê ya li dij mirovên trans li pêşberî me ye. Derxistina mirovên trans a ji herêmên hinekî ewle rê dide mirinên nû.
Di rûyê nûnerên sîstemê yên dixwazin bi amûrên zextê me biçewisînin re em diqîrin;
* Ji bo guhertina pergala ku ji ber meyldariyên me yên zayendî me ji kar diavêje, ji ber nasnameya me ya cînsî kar nade me;
* Ji bor şermezarkirina hêzên ewlekariyê yên „Qanûna Qabahatan“ mîna hincet nîşan didin û mafê me yê jiyanê bisînor dikin, herwiha dijwariya hêzên ewlikariyê ya li dij me ji bo ku em LGBTİ ne dimeşînin;
* Ji bo teşhîrkirina polîtîkayên sirgunkirina mirovên trans;
* Ne ji bo karkeriya seksê ya bi zorê ji bo ku em kar dixwazin;
* Ji bo karkeriya seksê mîna beşeka kar were qebûl kirin û em karibin mafên xwe yên sendîkayî bidest bixin;
* Ji bo em biqîrin ku sûcên nefretê ne sûcen munferîd in, hewldana tevkujiyeke li dij civaka LGBTİ’yan nin.
* Ji bo ku ji erka siyasî ya di bin navê „Kimkirina ceza ya ji ber tehrîka giran“ kujeran xelat dike re êm bêjin raweste
* Ji bo derbaskirina qedexeya Taksîmê ku sîstem vê yekê dixe hinceta êrîşên bêperwa yên li dij komên bindest
* Ji bo kedkarên ku ji bo sê qurîşan bi sedan metroyan di binê erdê de tên qebitandin, li terxane û fabrîkayan jiyana xwe ji dest didin.
* Ji bo ji serokwezîrê ku nefret û heqareta li dij Elewî, Kurd, Ermenî, Rûm û hemû hindikayiyên olî û netewî ji xwe mîna wezîfe dibîne em bêjin raweste;
* Ji bo Dora Ozer, Çagla Joker, Roşîn Çîçek, Ahmet Yildiz, Ebru Soykan, Îrem, Okan, Seda, Alî Bey, Ethem Sarisuluk, Hrant Dînk, Mehmet Ayvalitaş,
Abdullah Comert, Medenî Yildirim, Alî Îsmaîl Korkmaz, Berkîn Elvan, Ahmet Atakan, Hasan Ferît Gedik;
* Ji bo em bêjin qatilê LGBTİ’yan, jinan, kedkaran, Elewiyan, Kurdan û Ermeniyan dewlet e;
22’ê Hezîranê Roja Yekşemê Saet:17:00’an em ji Rawesgeha Tramvayê ya Taksîmê di meşin Meydana Tunelê.
GER TU TUNEBE EM GELEKÎ KÊM IN!

ji  Istanbul LGBTT Dayanışma Derneği