DÎLOK (DÎHA) – S.H. (21) ji navçeya Babê ya Heleba Sûriyeyê koçî Dîlokî kir, diyar kir ku hem ji ber nasnemaya xwe ya hevzayendî hem jî malbata wî bi xetereya ji aliyê komên îslamî ve bên kuştin re rû bi rû ne. S.H. piştî Sûriyeyê ji Tirkiyeyê jî koç bike rê digere û ni dava penebaran de profîleke cuda datîne holê.
Şerê li Sûriyeyê di sala çaremîn de didome, ji ber şer êli Sûriyeyê didome bi hezaran kesan jiyana xwe ji dest dan, bi sed hezaran mirovan jî mecbûr man cih û warên xwe bi terikînin. Bajarên ku herî zêde mirov dikare bandora şer bibîne, Dîlok, Hatay, Riha û Kîlis in û di nava welatiyên ku ji Sûriyeyê hatine de nasnameyeke cuda jî heye. S.H. (21) ê ji ber şer ji Sûriyeyê ji navçeya Bab a Helebê ya Sûriyeyê koç kiriye û hatiye Dîlokê rewşeke wî yê cuda heye û ew pirsgirêkên ku penaberên dijîn, zêdetir pirsgirêkan dijî. S.H. diyar kir ku ew ji ber nasnameya xwe bi kuştinê re rû bi rû ye.
‘Endamekî AAS’ê ji ber nasnameyê gefan dixwe’
S.H. anî ziman ku malbata wî ji nasnameya wê agahdar nîn e, lê endamekî AAS’ê (Artêşa Azad a Sûriyeyê) ji nasnameya wî agahdar e. S.H. da zanîn ku endamê AAS’ê vê yekê li dijî wî wekî şantaj bi kar tîne, ew revyina hatine Dîlokê lê endamê AAS’ê li wir jî ew dîtiye û gefe heke pere nede dê nasnameya wî ji komên radîkal ên îslamî re vebêjin lê xwariye.
‘Malbata min nasmeya min nizanin, dixwazin min bidin zewicandinn’
S.H. destnîşan kir ku ji vê rewşê xwe rizgar nekiriyê û malbata wî dixwaze wî bidin zewicandin. S.H. bilêv kir ku ji ber nasnameya xwe reviyaye hatiye û jiyaneke penaberiyê ya çawa dijî, bi xetereya kuştinê re rû bi rû maye vegot û ev tişt anî ziman: “Divê ez ji vir biçim. Ji ber ku hem malbat hem jî komên îslamî dikarin min bikujin. Ez pir tengasiyê de me. Ji bo çûnê derfetên min jî nîn e. Lê divê ez riyeke bibînim û ji vir biçim. Ji bo bikaribim biçim welatên din dikarim serlêdana penaberiyê bikim.”
‘Piştî Sûriyeyê divê ji Tirkiyeyê jî birevim’
S.H. got ku dixwaze biçe hevalên xwe yên hevzayend ên li Holandayê dijîn, ji bo vê yekê serî li sefereta Holandayê daye lêh atiye redkirin. S.H. destnîşan kir ku ditirse dê ji aliyê komên îslamî ve bê kuştin, endamê AAS’ê yê ku wî nas dike bi malbatê re jî axiviyê û wiha got: “Bi vê riyê gefan l imin dixwe. Wekî ku ev tişt bi bav êmin re parve kiriye. Ji ber ku di rojên dawî de nêzîkatiyekî cuda heye. Ji min re dibêje ji vir biçe. Dixwaze biçim Sûriyeyê. Lê ez nikarim vegerim wir.”
ji BestaNûçe